Accessibility links

حامید کارزای ده‌ڵێت هێرشێـکی ئاسمانی ناتۆ ژماره‌یه‌ک کارمه‌ندی هه‌ڵمه‌تی هه‌ڵبژاردنی وڵاته‌که‌ی کوشـتووه‌

  • VOA News

سه‌رۆکی ئه‌فغانسـتان حامید کارزای ڕایگه‌یاند له‌ ئاکامی هێرشێـکی ئاسـمانی ناتۆ 10 کارمه‌ندی سیڤیلی هه‌ڵمه‌تێـکی هه‌ڵبژاردنی باکوری وڵات کوژران.

به‌ڕێز کارزای ئه‌م هێرشه‌ی سه‌رزه‌نشت کرد، ئه‌وه‌ی ده‌ڵێت ئه‌مڕۆ پـێنجشه‌ممه‌ له‌ پارێزگای ته‌خار ڕوویدابوو. له‌ لای خۆیانه‌وه‌ هاوبه‌ندی ناتۆ لێـکۆڵینه‌وه‌ له‌و ڕووداوه‌ ده‌که‌ن.

وته‌بێژی حکومه‌تی خۆجێی هه‌رێمی ته‌خار (فایز محه‌مه‌د ته‌وحیدی) ڕایگه‌یاند هێرشی ئاسـمانی ناتۆ به‌ر کارمه‌ندانی هه‌ڵمه‌تی هه‌ڵبژاردنی کاندیدێـکی هه‌ڵبژاردنی په‌رله‌مانی وڵات که‌وتبوو، ئه‌وه‌ی بڕیاره‌ 18 ی ئه‌م مانگه‌ سـازبدرێت.

هاوکات ئه‌مڕۆ وه‌زیری به‌رگری وڵاته‌ یه‌کگرتووه‌کانی ئه‌مه‌ریکا به‌ڕێز ڕۆبه‌رت گه‌یتس گه‌یشته‌ کابول بۆ کۆبوونه‌وه‌ له‌گه‌ڵ سه‌رۆکی ئه‌فغانی حامید کارزای و فه‌رمانده‌ی گشـتی هێزه‌کانی هاوبه‌ندی ناتۆ له‌و وڵاته‌دا ژه‌نه‌ڕاڵی ئه‌مه‌ریکایی ده‌یڤد په‌تریه‌س.

شـایانی باسه‌ قوربانیـیانی سیڤیل له‌ ئاکامی هێرشه‌کانی ناتۆ بووه‌ به‌ مایه‌ی گرژیـیه‌کی زۆر له‌ نێوان سه‌رۆک کارزای و ئه‌ندامانی ناتۆدا.

بابه‌تی په‌یوه‌ندیدار

XS
SM
MD
LG