Accessibility links

حامید کارزای داوا له‌ هێزه‌کانی وڵاته‌که‌ی ده‌کات خۆیان بۆ کاتی کشانه‌وه‌ هێزه‌ بیانیـیه‌کان ئاماده‌ بکه‌ن


سه‌رۆک حامید کارزای له‌گه‌ڵ جێـگری یه‌که‌می محه‌مه‌د قاسم فه‌هیم پله‌ی ئه‌فسه‌رێـکی پـۆلیس به‌رزده‌که‌نه‌وه‌ له‌ کۆشـکی سه‌رۆکایه‌تی له‌ کابول، شه‌ممه‌ 2 ی ده‌ی 2010
سه‌رۆک حامید کارزای له‌گه‌ڵ جێـگری یه‌که‌می محه‌مه‌د قاسم فه‌هیم پله‌ی ئه‌فسه‌رێـکی پـۆلیس به‌رزده‌که‌نه‌وه‌ له‌ کۆشـکی سه‌رۆکایه‌تی له‌ کابول، شه‌ممه‌ 2 ی ده‌ی 2010

سه‌رۆکی ئه‌فغانی حامید کارزای داوا له‌ هێزه‌کانی ئاسایشی وڵاته‌که‌ی ده‌کات خۆیان بۆ کاتی کشـانه‌وه‌ی هێزه‌ بیانیـیه‌کان ئاماده‌ بکه‌ن.

ڕۆژی شه‌ممه‌ له‌ ڕێوڕه‌سمێـکدا بۆ به‌رزکردنه‌وه‌ی پـله‌ی 28 ئه‌ندامی هێزه‌کانی پـۆلیس و له‌شـکر و ده‌زگای زانیاری، سه‌رۆک حامید کارزای وتارێـکی پـێشـکه‌ش کرد و تیایدا گوتی هێزه‌کانی ئه‌مه‌ریکا و ناتۆ هه‌ر کاتێـک هه‌ست بکه‌ن به‌رژه‌وه‌ندیـیه‌ نیشتیمانیـیه‌ تایبه‌ته‌کانی خۆیان پـێویستی به‌وه‌ نیـیه‌ بمێنـنه‌وه ئه‌وا ئه‌فغانسـتان جێده‌هێڵن‌.

حامید کارزای ئاماژه‌ی به‌ ڕابردوو کرد و باسی له‌ هه‌وڵه‌کانی ئه‌مه‌ریکا له‌ سـاڵانی هه‌شـتاکاندا کرد بۆ یارمه‌تیدانی موجاهیده‌کان له‌ ڕووخاندنی ئه‌و ڕژێمه‌ کۆمۆنیسته‌ی به‌ پاڵپشـتی سۆڤێت حوکمڕانی ئه‌فغانسـتانی ده‌کرد. گوتی پاش ڕووخاندنی ڕژێمه‌که‌ ئه‌مه‌ریکا و به‌ریتانیا و فه‌ره‌نسا باڵیۆزخانه‌کانی خۆیان داخست چونکه‌ ده‌یانبینی چیتر له‌ به‌رژه‌وه‌ندیاندا نیـیه‌ بمێنـنه‌وه‌.

سه‌رۆک حامید کارزای گوتی ئه‌و ده‌یه‌وێت هێزه‌کانی ئه‌فغانی تا سـاڵی 2014 کۆنتڕۆڵی ئاسایشی وڵاته‌که‌ بگرنه‌ ده‌ستی خۆیان.

XS
SM
MD
LG