Accessibility links

به‌ هێرشێـکی خۆکوژی له‌ ئه‌فغانسـتان 4 که‌س ده‌کوژرێن

  • VOA News

به‌ هێرشێـکی خۆکوژی له‌ ئه‌فغانسـتان 4 که‌س ده‌کوژرێن

به‌ هێرشێـکی خۆکوژی له‌ ئه‌فغانسـتان 4 که‌س ده‌کوژرێن

کاربه‌ده‌ستانی ئه‌فغانی ده‌ڵێن له ‌ئاکامی هێرشێـکی خۆکوژی له‌ باکوری ئه‌فغانستان 4 که‌س کوژراون و 10 که‌سی تریش برینداربوون.

کاربه‌ده‌ستان ده‌ڵێن به‌ره‌به‌یانی ئه‌مڕۆ سێشه‌ممه‌‌ که‌سێکی خۆکوژ ماشێنێکی بۆمبڕێژکراوی له‌ ده‌ره‌وه‌ی کۆمه‌ڵه‌ باڵه‌خانه‌یه‌ك ‌له‌ شاری کوندوز ته‌قانده‌وه‌ که‌ 2 کۆمپانیای ئاسایشی تایبه‌تی لێـیه‌.

پۆلیس ده‌ڵێت پاشان 2 چه‌کدار هه‌ڵیان کوتاوه‌ته‌ سه‌ر شوێنه‌که‌ و بۆ ماوه‌ی 2 کاتژمێر شه‌ڕه‌ ته‌قه‌یان له‌گه‌ڵ هێزه‌کانی ئاسایشـدا کردووه‌. شه‌ڕه‌که‌ کاتێـک کۆتایی هات که‌ دوو چه‌کداره‌که‌ له‌ یه‌ک له‌ باڵه‌خانه‌کاندا خۆیان ته‌قانده‌وه‌.

4 پاسه‌وانی ئاسایشی تایبه‌تی ئه‌فغانی له‌و هێرشه‌دا کوژراون. پۆلیسێکی ئه‌فغانی له‌ نێو برینداره‌کاندایه‌.

تاڵیبان به‌رپرسیارێتی خۆی له‌ هێرشه‌که‌ ڕاگه‌یاند.

XS
SM
MD
LG