Accessibility links

به‌هۆی ته‌قینه‌وه‌یه‌ک له‌ ئه‌فغانستان 3 که‌س ده‌کوژرێن


به‌رپرسان له‌ باشوری ئه‌فغانستان ده‌ڵێن ته‌قینه‌وه‌ی بۆمبێـکی لاڕێگا بۆته‌ هۆی کوژرانی 2 ئه‌ندامی ئه‌نجومه‌نی خۆجێی و ئه‌فسه‌رێکی پۆلیس.

ده‌سه‌ڵاتداران ده‌ڵێن له‌و ته‌قینه‌وه‌یه‌ که‌ له‌ ئێواره‌ی شه‌ممه‌دا له‌ ناوچه‌ی ئوروزگان ڕوویدا هه‌وره‌ها بووه‌ مایه‌ برینداربوونی‌ 2 ئه‌ندامی دیکه‌ی ئه‌نجومه‌ن.

هه‌تا ئاماده‌کردنی ئه‌م هه‌واڵه‌ هیچ لایه‌نێک به‌رپرسیارێتی خۆی له‌و هیرشه‌ ڕانه‌گه‌یاندووه‌.

زۆر جار تاڵیبان و چه‌کدارانی توندڕه‌و ته‌قینه‌وه‌ له‌ دژی هێزه‌کانی ئه‌فغانستان و هاوپه‌یمانان و که‌سایه‌تیه‌ سیاسیه‌کان ئه‌نجام‌ده‌ده‌ن.

له‌ لایه‌کی دیکه‌وه‌ و له‌ ڕۆژهه‌ڵاتی ئه‌فغانستان، ناتۆ ده‌ڵێت ڕۆژی شه‌ممه‌ له‌ شه‌ڕێکدا سه‌ربازێـکی برینداربووه‌، به‌ڵام به‌هۆی سه‌ختی برینه‌کانی گیانی له‌ده‌سـتداوه‌. ناتۆ ڕه‌گه‌زنامه‌ی سه‌ربازه‌که‌ی ئاشـکرا نه‌کرد.

XS
SM
MD
LG