Accessibility links

عه‌دنان عوسمان: ‌ کۆبونه‌وه‌که‌ نیوه‌ی کاره‌کانه‌ چونکه‌ وه‌ک ئۆپۆزسیۆن و وه‌ک په‌رله‌مانیش پێویستمان به‌ دۆکیۆمێنته‌

  • Balen Salih

په‌رله‌مانی هه‌رێمی کوردستانی عێراق

په‌رله‌مانی هه‌رێمی کوردستانی عێراق

ڕۆژی یه‌کشه‌ممه‌ سه‌رۆکه‌کانی فراکسیۆنه‌کانی ناو په‌رله‌مانی هه‌رێمی کوردستانی عێراق له‌ دانیشتنێکی نائاساییدا له‌گه‌ڵ دکتۆر ئاشتی هه‌ورامی وه‌زیری سه‌رچاوه‌ سروشتیه‌کانی حکومه‌تی هه‌رێمی کوردستاندا کۆبوونه‌وه‌. ئه‌و کۆبونه‌وه‌یه‌ ته‌رخان بوو بو بۆ پرسیار و وه‌ڵام سه‌باره‌ت به‌ مه‌سه‌له‌ی نه‌وت له‌ هه‌رێمی کوردستانداو به‌تایبه‌تیش مه‌سه‌له‌ی فرۆشتنی نه‌وت به‌ ئێران که‌ له‌ میدیای نێونه‌ته‌وه‌یی و ناوخۆیشدا باسی ده‌کرا.

عه‌دنان عوسمان ، سه‌رۆکی فراکسیۆنی گۆڕان له‌ لێدوانێکیدا بۆ به‌شی کوردی ده‌نگی ئه‌مریکا ده‌ڵێت هه‌رچه‌نده‌ ده‌بوایه‌ ئه‌م کۆبونه‌وه‌یه‌ زووتر بکرابا ، به‌ڵام هه‌نگاوێکی پۆزه‌تیفانه‌ بوو چونکه‌ توانرا ڕاسته‌وخۆ ئاڵ و گۆڕی ڕاو بۆچونه‌کان بکرێت.

به‌ڕێز عوسمان به‌ هاوکارمان به‌ڵێن ساڵحی گووت که‌ پێویسته‌ بزانرێت ڕۆژانه‌ بڕی چه‌ندی نه‌وت له‌ هه‌رێمه‌که‌وه‌ ده‌ڕواته‌ ده‌ره‌وه‌ و داهاته‌که‌ی چه‌نده‌ و ئه‌و داهاته‌ش بۆ کوێ ده‌چێت.

ده‌توانن له‌ ڕێی کلیککردنی ئه‌و فایله‌ ده‌نگیانه‌ی سه‌ره‌وه‌ی ده‌سته‌ چه‌پ گوێبیستی ته‌واوی گفت و گۆکه‌ بن که‌ ماوه‌که‌ی 7:26 خوله‌که‌.

بابه‌تی په‌یوه‌ندیدار

XS
SM
MD
LG