Accessibility links

عادل عه‌بدوڵا: بێده‌نگی حکومه‌تی عێراق له‌ هه‌موو ڕووداوه‌کان به‌ مه‌به‌سته‌

  • Balen Salih

عادل عه‌بدوڵا: بێده‌نگی حکومه‌تی عێراق له‌ هه‌موو ڕووداوه‌کان به‌ مه‌به‌سته‌

عادل عه‌بدوڵا: بێده‌نگی حکومه‌تی عێراق له‌ هه‌موو ڕووداوه‌کان به‌ مه‌به‌سته‌

له‌گه‌ڵ به‌رده‌وامی ئه‌و پێشیلکاریانه‌ی له‌ ناوچه‌ سنوریه‌کانی هه‌رێمی کوردستانی عێراقدا له‌ لایه‌ن تورکیا و ئێرانه‌وه‌ ده‌کرێن هێشتا حکومه‌تی عێراق هه‌ڵوێستێکی وای وه‌رنه‌گرتووه‌ که بکرێت به‌ داکۆکی له‌ سه‌روه‌ری وڵاته‌که‌ لێی بڕوانرێت.

عادل عه‌بدوڵا، ئه‌ندامی په‌رله‌مانی عێراق له‌سه‌ر لیستی هاوپه‌یمانی کوردستانی ده‌ڵێت ئه‌گه‌ر هاتباو شانشینی عه‌ره‌بستانی سعودیه‌ هه‌ر به‌ هه‌ڵه‌ش یه‌ک گولـله‌ تۆپی بکه‌وتایه‌ته‌ ناو خاکی عێراقه‌وه‌ ئه‌وا کاردانه‌وه‌ی زۆر قورس له‌لایه‌ن حکومه‌تی نێوه‌ندی عێراقه‌وه‌ ده‌بینرا.

سه‌باره‌ت به‌ تورکیاش به‌ڕێز عه‌بدوڵا ده‌ڵێت کاتێک ئه‌م مه‌سه‌له‌یه‌ی خستۆته‌ ڕوو ، سه‌رۆکی په‌رله‌مان وه‌ڵامێکی ئه‌وتۆی نه‌بووه‌ وه‌ک ده‌ڵێت به‌هۆی په‌یوه‌ندی لیستی ئه‌لعێراقیه‌ به‌ تورکیاوه‌.

له‌سه‌ر به‌کارهێنانی فشار بۆسه‌ر حکومه‌تی نێوه‌ندی تا هه‌ڵوێستی خۆی ڕابگه‌یه‌نێت و هه‌وڵه‌کانی خۆی بخاته‌ گه‌ڕ بۆ ڕاگرتنی تۆپبارانه‌کان و بۆردومانه‌کان، عادل عه‌بدوڵا ده‌ڵێت یه‌کێک له‌ ڕیگه‌کان ئه‌وه‌یه‌ نوێنه‌رانی کورد له‌ به‌غدا هه‌م له‌ ناو حکومه‌ت و هه‌میش له‌ په‌رله‌ماندا جۆرێک له‌ بایکۆت ڕابگه‌یه‌نن و بێ له‌وه‌ش باسیش له‌وه‌ ده‌کات ده‌شێت فشاری ئابوری بۆ سه‌ر هه‌ر یه‌کێ له‌و دوو ووڵاته‌ی دراوسێی عێراق له‌لایه‌ن هه‌رێمی کوردستانه‌وه‌ کاریگه‌ریه‌کی ئه‌رێنی هه‌بێت به‌سه‌ر وه‌ستانی تۆپباران و بۆردومانه‌کانیشه‌وه‌.

هاوکارمان به‌ڵێن ساڵح گفت و گۆی له‌گه‌ڵ ‌ عادل عه‌بدوڵا، ئه‌ندامی په‌رله‌مانی عێراق له‌سه‌ر لیستی هاوپه‌یمانی کوردستانیدا کردووه‌.

ده‌توانن له‌ ڕێی کلیککردنی ئه‌و فایله‌ ده‌نگیه‌ی سه‌ره‌وه‌ی ده‌سته‌ چه‌پ گوێبیستی ته‌واوی گفت و گۆکه‌ بن که‌ ماوه‌که‌ی 10:01 خوله‌که‌.

XS
SM
MD
LG