Accessibility links

یاخیبوان له‌ عێراق دەستیان كردووە به‌ زنجیرەیه‌ك هێرش له‌ شارەكانی عێراقدا - 2004-11-11


دەسه‌ڵاتداران دەڵێن له‌‌ ڕۆژی پێنجشه‌ممه‌دا به‌هۆی ته‌قینه‌وەی بۆمبێك له‌ ناوەندی به‌غدا 17 كه‌س گیانی له‌ دەستداوە.

پۆلیس دەڵێت ئه‌و ته‌قینه‌وەیه‌ له‌ گۆڕەپانی ناسر ڕوویداوە و ناوچه‌یه‌كی بازرگانیه‌‌ و نیشانه‌كه‌یان گروپێكی پاسه‌وانی پۆلیس بووە.

له‌ هه‌مان كاتدا، له‌ شاری موسڵی باكوری عێراق یاخیبوان هێرشیان كردۆته‌ سه‌ر بنكه‌كانی پۆلیس و دزین و فڕاندنی چه‌ك و تێكدانی بیناكانیان.

له‌ شوێنه‌كانی تری ووڵات وەك له‌‌ شاری كه‌ركوكی باكوری عێراق بۆمبێك ته‌قاوەته‌وە به‌ مه‌به‌ستی كوشتنی فه‌رمانداری شارەكه‌. كاربه‌دەستانی نه‌خۆشخانه‌ دەڵێن نزیكه‌ی 12 كه‌س بریندار بووە و فه‌رمانداری كه‌ركوك عه‌بدولرەحمان موسته‌فا له‌ هێرشه‌كه‌ به‌ سه‌لامه‌تی ڕزگاری بووە.

XS
SM
MD
LG