Accessibility links

سه‌رگوتار: گرتن ل سوریا - 2004-03-19


هه‌ر وه‌كو ب ملیۆنا خه‌لكێ دی ل سه‌رانسه‌ری ڕۆژهه‌ڵاتا ناڤه‌ڕاست، خه‌لكێ سوریا ژی ئازادی دخازن.

ل 8 ی مه‌ها 3 ئادارێ، ل دمه‌شقێ ل خوه نیشاندانه‌كا گشتی كو كێم ل وی وه‌لاتی تێنه كرن هه‌ژماره‌كا خه‌لكێ سوریا بیر و باوه‌رێت خوه دیار كرن.

ئه‌و خوه‌نیشاندان ب هه‌لكه‌فتنا ده‌رباز بونا 41 ساڵان ل سه‌ر دانانا قانونا ده‌ستو دارێ ته‌نگاڤیان ل سوریا هاته كرن، كو ئه‌وه‌ی ساڵا 1963 وه‌كو هێجه‌ت و به‌هانه بۆ ئنكار كرنا مافێ بنگه‌هین تێنه بكار ئینان.

پۆلیسێت سوریا بله‌ز ئه‌و خوه‌نیشاندان تێكدا و نێزیك 20 كه‌سا گرتن. كاربده‌سته‌كێ ئه‌مریكی دناڤ گرتیان دابوو كو یه‌ك بوو ژ دیپلۆماتێت بیانی كو به‌رێ خوه ‌دا خوه‌نیشاندانێ. سعه‌ته‌ك پشتی هنگی ئه‌و كاربده‌ست هاته به‌ردان.

په‌یڤدارێ وه‌زاره‌تا ده‌رڤه یا ئه‌مریكی ریچارد باوچه‌ر دبێژت گرتنا دیپلۆماتان زێده‌گاڤیه‌كا ئه‌شكه‌ره‌یه ل سه‌ر قانونا ناڤ نه‌ته‌وه‌یی. ڕێزدار باوچه‌ر دبێژت: " جهێ قه‌بولێ نینه.

وه‌زاره‌تا ده‌رڤه یا واشنتۆن په‌یوه‌ندی ب بالیۆزێ سوریا ل واشنتۆن كر بۆ دیار كرنا نه‌ڕازی بوونا خوه ل سه‌ر وێ سه‌رهاتییێ و دیار كرنا ئالۆز بوونا خوه ل سه‌ر كریارێت سوریا دژی ئالیێت كو ب ئاشتی بۆ ئازادییا ئاخفتنێ و بیر و هزرا خوه‌نیشاندانا دكن."

گه‌له‌ك ئه‌گه‌ر و بابه‌ت هه‌نه كو گه‌لێ سوریا بۆ خوه‌نیشاندانا بكن ئه‌وژی هه‌كه رێكا وان بێته دان. ل دوڤ ڤه‌كۆلینه‌كا ڤێ دوماهییێ یا وه‌زاره‌تا ده‌رڤه یا ئه‌مریكا، سجلا مافێت مرۆڤان یا حكومه‌تا سوریا هێشتا خراپه.

وه‌لاتی مافێ هندێ نینه كو حكومه‌تا خوه بگۆڕن و هه‌تا پشتی ئازاد كرنا پتر ژ سه‌د گرتیێن سیاسی ل هه‌یڤا یه‌ك یا كانونا دووێ، ب سه‌دان كه‌سێت دی ژبه‌ر بزاڤا وان بۆ مافێت وان یێت سه‌ره‌كی هێشتا یێت د زندانێ دا.

زێده گاڤی یێت مه‌زن كو حكومه‌تا سوری دكه‌ت، كریارێت ئه‌شكه‌نجه دانێ كو هێزێت پاراستنا سوری پێ ڕادبن و داد كرنا نه‌ڕه‌وا ل دادگه‌هێت پاراستنێ. كه‌سێت ل دمه‌شقێ هاتنه گرتن هه‌ر تنێ ئه‌و نینه كو بزاڤێ بۆ مافێت مرۆڤان ل سوریا دكن.

بزاڤكه‌رێت مافێت مرۆڤان دبێژن نێزیكی 7000 خه‌لكێ سوریا بۆ بدۆماهی ئینانا ده‌ستو دارێ ته‌نگاڤیا، ئازادكرنا هه‌می گرتیێت سیاسی و بۆ ئازادی یا سیاسی داخازنامه‌یه‌ك مۆر كریه.

هه‌ر وه‌كو سه‌رۆك George W. Bush گۆتی " ئازادی داخازه‌كا جیهانیه، دیاریه‌كا ژ خودێیه بۆ هه‌می ژن و مێران ل ڤێ جیهانێ." هه‌ر ژبه‌ر هندێ ل سوریا و ل سه‌رانسه‌ری ڕۆژهه‌ڵاتا ناڤه‌ڕاست ئازادی، دیموكراسی و مافێت مرۆڤان ڕۆژ بۆ ڕۆژ پتر پشته‌ڤانێت خوه هه‌نه.

هه‌كه‌ ته‌ بڤێت گوه بده‌یه ڤێ ڕاپۆرتێ، ئه‌ڤ فایه‌لا ده‌نگی ل سه‌ر ڤی په‌ڕی كلیك بكه.

ئه‌ڤ گوتاره بیر و بۆچونا حكومه‌تا وه‌لاتێت یه‌كگرتی یێت ئه‌مریكایه.

XS
SM
MD
LG