Accessibility links

له‌ ئه‌نجام پێكدادانێكدا له‌ یاریگایه‌كی تۆپی پێ له‌ شاری قامیشلی باكوری ڕۆژهه‌ڵاتی سوریادا كۆمه‌ڵێك كه‌سان گیانیان له‌ دەستداوە - 2004-03-12


ئاژانسی هه‌واڵی فه‌رەنسی و سوری ڕادەگه‌یه‌نن كه‌ له‌ ئه‌نجام توند و تیژیه‌كی نێوان ته‌ماشاكه‌‌رانی یاری تۆپی پێی یاریگایه‌كی شاری قامیشلیدا سێ منداڵ كوژراوە و كۆمه‌ڵێك كه‌سانی تریش برینداربوون.

ئامادەبوویه‌كی ڕووداوەكه‌ به‌ به‌شی كوردی دەنگی ئه‌مریكای ڕاگه‌یاند كه‌ ئه‌و پێكدادانه‌ پاش دەستپێكردنی یاریه‌كه‌ دەستیپێكرد...كاتێك كه‌ ئه‌ندامانی تیپی میوان كه‌ له‌ شاری دێر الزور هاتبوون و دروشمێكی پشتیوانیكردنی سه‌رۆكی ڕووخاوی عێراقیان به‌رزكردەوە.

ئامادەبوویه‌كی تری ڕووداوەكه‌ گوتی: به‌شی زۆری خه‌ڵكی قامیشلی كوردن و ئه‌و جۆرە دروشمانه‌ دڵگرانیان دەكات و به‌ پێی قسه‌كانیان شه‌ڕ به‌ردەوامه‌ و كۆمه‌ڵێك بیانا و ئوتۆمبیل ئاگریان تێبه‌رداوە.

XS
SM
MD
LG