سكرتێرێ گشتی یێ نهتهوێت ئێكگرتی كوفی ئهنان گۆت ههلبژارتن ل عێراقێ نه مومكنن بهری ڤهگوهاستنا دهسهلاتێ ژبۆ عێراقییان. بهلێ وی گۆت نهتهوێت ئێكگرتی دێ ئالیكاریا عێراقییان بكه بۆ دیتنا رێكهكا دی بۆ دهستنیشان كرنا حكومهتهكا دهمی.
ئیرۆ پێنچ شهمبی، بهڕێز ئهنان ل نیویۆرك گۆت تڤیا ڕێز ل بڕیارا دیاركرنا ڕۆژا ڤهگوهاستنا دهسههڵاتێ ژ ههڤالبهندیا ب رێڤهبهریا ئهمریكا بۆ عێراقییان بێته گرتن. وی گۆت ژی حكومهتهكا دهمی دێ بێت پێك ئینان ئو دێ دگهل شارهزایێن نهتهوهیێن ئێكگرتی كاری بكه بۆ رێكخستنا ههلبژارتنا ل پاشهڕۆژێ.
ل بهغدا دهسههلاتدارێ ئهمریكی ل عێراقێ پۆڵ برێمهر گۆت گوهۆڕین د نهخشهیا ئهمریكی ده مومكنه سهبارهت پێك ئینانا حكومهتهكا دهمی بهلێ ئهمریكا دێ ل سهر سۆزا خوه بمینه بۆ ڤهگوهاستنا دهسههلاتێ ل 30 مهها 6 حوزهیرانێ.