كاربدهستێت هێزێت ههڤالبهندا ل عێراقێ دبێژن دوو ئۆتۆمبێلێن بومبهكری ل نێزیك بنگههێ لهشكهرێ پۆلۆنی ل باشوورا بهغدا بوونه ئهگهرا كوشتنا 11 عێراقیان و برینداركرنا دههان كهسا ژ وانا سهربازێن هێزێن ههڤپهیمانا.
پهیڤدارهكا لهشكهری گۆته ڕۆژنامهڤانا سپێدهیا ئیرۆ چارشهمبی ئهو ئۆتۆمبێلێن بومبهكری ل دهرڤهی بنگههێ كامپ چارلی ل نێزیك باژارێ حله پهقین.
كاربهدهستێن لهشكهرێ پۆلۆنی ل جهێ سهرهاتیێ دبێژن دوو تانكهرێن ب كهرهستێ پهقینا باركری بهرهڤ بنگههێ وان هاتن و نۆبهدارا تهقه ل وان كر.
یهك ژوان پهقی و یێ دوێ خوه ل دیوارهكێ كۆنكریتی دا و ئهو ژی پهقیا. كاربدهستێن پۆلۆنی دبێژن سهربازێن بریندار ژ پۆلهند و هنگاریا و ئهمریكانه.
ههر ل ڤی دهمی، وهزیرێ دهرڤه یێ ئهمریكا كۆلن پاوڵ گۆت ئهمریكا هزرهكا ڤهكری ههیه سهبارهت چهوانیا ههڵبژارتنا حكومهتهكا دهمی ل عێراقێ.
بهلێ واشنتۆن ههر دێ ل سهر بڕیارا خوه بمینه بۆ ڤهگوهاستنا دهستههڵاتێ ل 30 مهها 6 حوزهیرانێ بۆ عێراقیان.