Accessibility links

گروپێكی به‌ناو" ئه‌نسار ئه‌لسونه‌" به‌رپرسێتی خۆیان به‌رامبه‌ر به‌ ته‌قینه‌وەكانی شاری هه‌ولێر ڕاگه‌یاندووە  - 2004-02-05


له‌ پاش هه‌ردوو ته‌قینه‌وەكه‌ی به‌ردەم بارەگاكانی لقی دووی پارتی دیموكراتی كوردستان و مه‌ڵبه‌ندی سێی یه‌كێتی نیشتمانی كوردستان له‌ یه‌كه‌م ڕۆژی جه‌ژنی قوربان دا، هێشتا ‌لێكۆڵینه‌وە سه‌بارەت به‌ دەستگیركردنی ئه‌نجامدەرانی ئه‌و هێرشه‌ به‌ردەوامه‌.

گروپێكی به‌ناو ئه‌نسار ئه‌لسونه‌ له‌ عێراق به‌رپرسێتی خۆی به‌رامبه‌ر به‌و هێرشانه‌ی شاری هه‌ولێر نیشانداوە.

سه‌رۆكی ئه‌و گروپه‌ له‌ ماڵپه‌رێكی سه‌ر ئنته‌‌رنێت ئه‌و به‌یاننامه‌یان بڵاوكردۆته‌وە و گوتویه‌تی هه‌ردوو پارتی كوردی پشتیوانی هێزی خاچی دەكه‌ن كه‌ بێنه‌ ناو شاری كه‌ركوك و موسڵ. جێی باسه‌ ئه‌و كه‌سه‌ی به‌ناوی ئه‌میری ئه‌و گروپه‌ ئه‌و به‌ننامه‌یه‌ی بڵاوكردۆته‌وە ناوی عه‌بدوڵڵا حه‌سه‌ن بن مه‌حمودە.

له‌م بارەیه‌وە په‌یامنێری به‌شی كوردی دەنگی ئه‌مریكا سه‌لام باڵایی له‌ شاری دهۆكی كوردستانی عێراقه‌وە ئه‌م ڕاپۆرته‌ی بۆ ناردووین و بۆ گوێگرتن له‌ ته‌واوی ئه‌و ڕاپۆرته‌ كلیكی ئه‌و ئۆدیۆ فایله‌ی لای سه‌رەوەی ئه‌م لاپه‌ڕەیه‌ بكه‌.

XS
SM
MD
LG