پشتی ڕزگاربوونا عێراقێ ژ ڕژێما دیكتاتۆریا سهدامی، گهلهك گوڕانكاریێت سیاسی و ئیداری ل سهرانسهری عێراقێ چێ بون. ههرێما كوردستانێ ژی بهر ڤێ ئێكێ كهفت. و خهلكێ ههرێما كوردستانێ خودانێ خو و خهونێت مهزن ماینه بێ شلۆڤهكرن و ل هیڤیا چارهنڤێسێ خونه.
و تا ئیرۆ ئهو داخازیا واقعیا ئهو دخازن نههاتیه دیار كرن، بهڵكو چهندین ڕێگر ههنه كو ئهڤرۆ بوینه جهێ ئاریشێ ژ بۆ فیدرالیا جوغرافی یا نهتهویا كوردستانێ. لهوران ل ڤێ داویێ لڤینهكا بهرچاڤ د ناڤ جهماوهرێ ههرێما كوردستانێ دا پهیدا بوو كو حس ب هندێ دهێته كرن كو هندهك ژ خهون و هیڤیێن وانا جارهك دی بن گۆڕ ببن و ئهو قوربانی و خهبات درێژیا ساڵان بئاڤێ دا بچن. و تهخا رۆشهنبیر كو یهكهم كهس بو حس ب ڤێ مهترسیێ كریه، ڕابوونه ب بزاڤهكا جهماوهری سهرتاسهری كوردستانا عێراقێ بناڤێ بزاڤا ڕاپرسین ( ڕیفراندۆم).
پشتی چهندین بزاڤ و چالاكی پهیوهندیان ئیرۆ كهفتینه د قوناغا كۆم كرنا ئیمزایێن خهلكێ ههرێما كوردستانێ كو داخاز دكهن ژ UN و CPA و دهسههلاتا حوكمی ل عێراقێ و رێكخراوێن سهر ب مافێن مرۆڤ یێن نیڤ نهتهوهیی كو بهێن و لكوردستانا عێراقێ ڕاپرسینهكا سهرتاسهری بكهن بۆ هندێ دا خهلكێ كوردستانا عێراقێ بخو چارهنڤێسێ خو دهستنیشان بكهت، نهك خهلكهكێ دی.
ههكهر ته بڤێت گوه بدهیه ڤێ ڕاپۆرتێ، ئهڤ فایهلا دهنگی لسهر ڤی پهڕی كلیك بكه.