Accessibility links

كاربه‌دەستانی توركیا ڕایانگه‌یاند كه‌ پیاوێكی گومانلێكراویان دەستگیركردووە كه‌ دەستی له‌ ته‌قینه‌وە خۆكوژیه‌كانی مانگی ڕابووردووی شاری ئیسته‌نبولدا هه‌بووە - 2003-12-19


كاربه‌دەستانی توركیا ڕایانگه‌یاند كه‌ پیاوێكی گومانلێكراویان دەستگیركردووە كه‌ دەستی له‌ ته‌قینه‌وە خۆكوژیه‌كانی مانگی ڕابووردووی شاری ئیسته‌نبولدا هه‌بووە كه‌ فه‌رمانی ڕاسته‌وخۆی له‌ ئوسامه‌ بن لادنی ڕێبه‌ری تۆری تیرۆرستی ئه‌لقاعدەوە وەرگرتبوو.

لێپرسراوانی ئیستانبول دەڵێن: ئه‌و پیاوە هه‌ر له‌ كاتی دەستگیركردنیه‌وە لێكۆڵینه‌وەی له‌ گه‌ڵدا ئه‌نجام دەدرێت. به‌ڵام توركیا زانیاری زیاتریان له‌ سه‌ر ناسنامه‌ی ئه‌و پیاوە بڵاونه‌كردە‌وە كه‌ له‌و باوەڕەدان هێلی په‌یوەندی بووە له‌ نێوان ئه‌نجامدەرا خۆكوژەكان و ڕێكخراوێكی تیرۆرستی جیهانیه‌وە.

جیێ باسه‌، له‌ ئه‌نجامی چوار ته‌قینه‌وە خۆكوژیه‌كان له‌ دژی جوله‌كه‌كان و ئامانجه‌ به‌ریتانیه‌كاندا له‌ ئیسته‌نبول شه‌ست و دوو كه‌س گیانیان له‌دەستدا.

XS
SM
MD
LG