Accessibility links

سه‌رۆک ئۆباما به‌ بۆنه‌ی جه‌ژنی نه‌ورۆزه‌وه‌ په‌یامێـک ئاڕاسته‌ی ئێرانیـیه‌کان ده‌کات


<!-- IMAGE -->

سه‌رۆکی وڵاته‌ یه‌کگرتووه‌کانی ئه‌مه‌ریکا باراک ئۆباما په‌یامێـکی ڕاسـته‌وخۆی هه‌یه‌ بۆ گه‌لی ئێران، هاوکاتی ئاهه‌نگ‌گێڕانیان به‌ بۆنه‌ی جه‌ژنی نه‌ورۆزه‌وه‌.

له‌ ڤیدیۆک که‌ له‌سه‌ر ئنته‌رنێت بڵاوکراوه‌ته‌وه‌ له‌ لایه‌ن کۆشـکی سـپی سه‌رۆک ئۆباما ده‌رفه‌تی بۆ دانوسـتاندن له‌گه‌ڵ ئێران دووپات کردۆته‌وه‌، به‌ڵام ده‌شڵێت ڕێبه‌رانی ئێرانی بۆخۆیان سـیاسیه‌تی له‌ خۆ په‌راوێزنانیان هه‌ڵـبژاردووه‌.

سه‌رۆک ئۆباما ده‌ڵێت وڵاته‌ یه‌کگرتووه‌کانی ئه‌مه‌ریکا له‌گه‌ڵ کۆمه‌ڵـگای نێونه‌ته‌وه‌یی کار ده‌کات بۆ ئه‌وه‌ی ئێران به‌رپـرسـیاربێت به‌ پابه‌نده‌ نێونه‌ته‌وه‌یـیه‌کانی سه‌باره‌ت به‌ ئاشـکراکردنی خواستی به‌رنامه‌ ناوه‌کیـیه‌که‌ی.

وڵاته‌ یه‌کگرتووه‌کانی ئه‌مه‌ریکا و وڵاتانی ڕۆژئاوای دیکه‌ش ئێران به‌وه‌ تۆمه‌تبار ده‌که‌ن که‌ هه‌وڵ ده‌دات چه‌کی ناوه‌کی دروسـت بکات، به‌ڵام ئێران نکۆڵی له‌وه‌ ده‌کات و ده‌ڵێت به‌رنامه‌ ناوه‌کیـیه‌که‌ی به‌رنامه‌یه‌کی مه‌ده‌نیـیانه‌یه‌.

وێڕای ئه‌و ناکۆکیـیه‌ به‌رده‌وامه‌ به‌ڕێز ئۆباما ده‌ڵێت وڵاته‌ یه‌کگرتووه‌کانی ئه‌مه‌ریکا پابه‌نده‌ به‌ دوا ڕۆژێـکی به‌ هیواتر بۆ گه‌لی ئێران.

ده‌توان گوێبیستی ده‌قی په‌یامه‌که‌ی سه‌رۆک ئۆباما بن له‌ ڕێـی ئه‌م لینکه‌وه‌:
http://www.whitehouse.gov/blog/2010/03/19/president-obamas-nowruz-message

بابه‌تی په‌یوه‌ندیدار

XS
SM
MD
LG