Accessibility links

کۆشـکی سـپی مه‌سه‌له‌ی دادگایی‌کردنی له‌شـکری بۆ تاوانبارانی هێرشه‌کانی 11 ی سێپته‌مبه‌ر تاووتوێ ده‌کات


کۆشـکی سـپی مه‌سه‌له‌ی دادگایی‌کردنی له‌شـکری بۆ تاوانبارانی هێرشه‌کانی 11 ی سێپته‌مبه‌ر تاووتوێ ده‌کات

کۆشـکی سـپی مه‌سه‌له‌ی دادگایی‌کردنی له‌شـکری بۆ تاوانبارانی هێرشه‌کانی 11 ی سێپته‌مبه‌ر تاووتوێ ده‌کات

<!-- IMAGE -->

له‌ شـیانی هه‌ڵوێست گۆڕیندا ده‌سه‌ڵاتدارانی به‌ڕێوه‌به‌رایه‌تی ئۆباما ده‌ڵێن ڕاوێژکارانی کۆشـکی سـپی نزیک‌بوونه‌ته‌وه‌ له‌ پـێشـنیازکردنی دادگایی‌کردنی له‌شـکری بۆ نه‌خشه‌کێشی هێرشه‌کانی 11 ی نۆی سـاڵی 2001 .

ئه‌م بڕیاره‌ ده‌بێت به‌ مایه‌ی وه‌رچه‌رخاندنی پـلانه‌کان بۆ سـازدانی دادگایی‌کردنی ئاسایی بۆ خالید شێخ محه‌مه‌د له‌گه‌ڵ چوار پـیلانگێڕان له‌ نیویۆرک له‌ نزیـک ناوه‌ندی بازرگانی جیهانیـیه‌وه‌ ئه‌وه‌ی له‌ ئاکامی ئه‌و هێرشه‌ تێرۆریسـتیـیانه‌ داڕمان.

له‌ مانگی نۆی ڕابردوودا وه‌زیری دادی ئه‌مه‌ریکایی ئێرک هۆڵده‌ر گوتبووی که‌ بڕیاره‌ خالید شێخ محه‌مه‌د له‌ دادگایه‌کی فیدراڵی سڤیلی ئه‌و شـاره‌دا دادگایی‌بکرێت.

هه‌رچه‌نده‌ سه‌ره‌تا ده‌سه‌ڵاتداران پـشـتیوانی ئه‌و پـلانه‌یان کردبوو، به‌ڵام دواتر پاشگه‌زبووبوونه‌وه‌ له‌به‌ر نیگه‌رانیـیه‌کانی ڕه‌وشی ئاسایشی و خه‌رجی به‌رزی ئه‌و دادگایی‌یه‌.

زۆربه‌ی کۆماریـیه‌کان و هه‌ندێ له‌ ئه‌ندامانی پارتی دیموکراتیش هانی به‌ڕێوه‌به‌رایه‌تی ئۆبامایان دابوو که‌ ناوبراو له‌ ژێر ده‌سه‌ڵاتی دادگایه‌کی له‌شـکریدا بهێڵـنه‌وه‌.

هه‌نووکه‌ خالید شـێخ محه‌مه‌د و چوار پـیلانگێڕی تاوانبارکراو له‌ زیندانی گوانتانامۆ به‌ی‌دان له‌ کوبا.

بابه‌تی په‌یوه‌ندیدار

XS
SM
MD
LG