Accessibility links

ئه‌مه‌ریکا ده‌ڵێت پـشـکنینی زیاتری ئه‌و که‌سانه‌ ده‌کرێن که‌ له‌ چه‌ند وڵاتێـکی گومانباره‌وه‌ دێن


حکومه‌تی ئه‌مه‌ریکا فه‌رمانی داوه‌ له‌ فڕۆکه‌خانه‌کاندا پـشـکنینی زیاتری ئه‌و که‌سـانه‌ بکرێن که‌ له‌ 14 وڵاتی گومانبار به‌ تێرۆریزمه‌وه‌ دێنه‌ ناو وڵاته‌که‌یه‌وه‌.

ئه‌م گرتنه‌به‌ری ڕێوشـوێنی توندی ئاسایشیـیه‌ پاش ئه‌و هه‌وڵه‌ شـکسـتخواردووه‌ی ڕۆژی کرسمس دێت (25 ی مانگی دوازده‌) که‌ درابوو بۆ ته‌قاندنه‌وه‌ی فڕۆکه‌یه‌کی ئه‌مه‌ریکی.

ڕۆژی یه‌کشه‌ممه‌ به‌ڕێوه‌به‌رایه‌تی ئاسایشی هاتوچۆ ڕایگه‌یاند که‌وا هه‌ر که‌سێـک بێته‌ ناو ئه‌مه‌ریکاوه‌ و یاخود له‌ ناو ئه‌مه‌ریکادا به‌ فڕۆکه‌ هاتوچۆ بکات و له‌ چه‌ند وڵاتێـکه‌وه‌ هاتبێت که‌ مه‌ترسی ئه‌وه‌یان لێـده‌کرێت که‌سـانی تێرۆریستی لێوه‌ بێن ئه‌وا پـشـکنینی زیاتر ده‌کرێت.

به‌پـێی وه‌زاره‌تی ده‌ره‌وه‌ چوار وڵات که‌ داڵده‌ی تێرۆریسـتان ده‌دن له‌ لیسته‌که‌دان ( کوبا، ئێران، سودان، سوریا). ده‌زگاکانی ڕاگه‌یاندنی ئه‌مه‌ریکا ده‌ڵێن که‌سـانی دیکه‌ش که‌ له‌ ئه‌فغانستان، جه‌زائیر، عێراق، لوبنان، لیبیا، نایجیریا، پاکستان، سعودیه‌، سۆماڵ، یه‌مه‌ن، هاتبن ئه‌وانیش پشـکنینی ورد ده‌کرێن.

پـشـکنینه‌کان بریتی ده‌بن له‌ پشـکنین به‌ ده‌ست و به‌ ئامێرێـکی تایبه‌ت که‌ ده‌توانێت هه‌ر شتێـکی زیاده‌ به‌ جه‌سـته‌وه‌ به‌سترابێت نیشـانی بدات و هه‌‌روه‌ها پشـکنینی وردی جانتاکان.

بابه‌تی په‌یوه‌ندیدار

XS
SM
MD
LG