Accessibility links

خۆکوژێـک یاسادانه‌رێـکی پاکسـتانی ده‌کوژێت


کاربه‌ده‌ستانی پاکستانی ده‌ڵێن هێرشبه‌رێکی خۆکوژی نه‌وجه‌وان سیاسه‌تمه‌دارێکی له‌ ناوچه‌ توندوتیژیه‌کانی باکوری ڕۆژئاوای وڵاته‌که‌دا کوشتووه‌.

کاربه‌ده‌ستان ده‌ڵێن ئه‌و هێرشبه‌ره‌ ئه‌مڕۆ سێشه‌مه‌ خۆی ته‌قانده‌وه ‌و یاسادانه‌ر شه‌مشیر عه‌لی خانی له‌ ماڵه‌که‌ی خۆیدا له‌ که‌نجوی که‌ به‌ 30 کیلۆمه‌تر دور ده‌که‌وێته‌ باکوری ڕۆژئاوای شاری مینگۆرای دۆڵی سواته‌وه‌ کوشتووه‌. کاربه‌ده‌ستان ده‌ڵێن ئه‌و ‌هێرشه‌ له‌ کاتێکدا ڕوویدا که‌ ئه‌و یاسادانه‌ره‌ له‌ ماڵه‌که‌ی خۆی دا پـیشوازی میوانی ده‌کرد.

کاربه‌ده‌ستان ده‌شڵێن به‌ ده‌یان که‌سی تریش برینداربوون له‌ ناویاندا براکه‌ی خانیش.

دۆڵی سوات جێگای سه‌رنجی هێرشه‌کانی له‌شکری بوو بۆ ده‌رکردنی ملیتانه‌کانی تاڵیبان له‌ ناوچه‌کانی باکوری ڕؤژئاوای وڵاته‌که‌.

یاخیبووان له‌ پاکستان به‌ سه‌دان که‌سیان له‌ هێرشی خۆکوژیدا کوشتووه‌ له‌و ده‌مه‌وه‌ی که‌ هێزه‌کانی له‌شکری هێرشێکی تری گه‌وره‌یان کرده‌ سه‌ر باشوری وه‌زیرستان دوو مانگ له‌مه‌وبه‌ر.

له‌ ڕۆژی دووشه‌مه‌ش له‌شکری پاکستانی شه‌ڕێكی کوشنه‌ده‌یان له‌گه‌ڵ ملیتانه‌کان له‌ هه‌رێمه‌ خێڵه‌کیـیه‌کاندا ئه‌نجام‌دا.

له‌ ئاژانسی خه‌یبه‌ریش نزیک شاری پـیشاوه‌ری باکوری ڕۆژئاوای پاکستان ئه‌فسه‌رێکی له‌شکری پاکستان ڕایگه‌یاندووه‌ له‌ میانه‌ی ئۆپه‌راسیۆنێكی له‌شکری ئه‌م دوایـیانه‌دا سه‌ربازه‌کان به‌ لایه‌نی که‌مه‌وه‌ 61 ملیتانی گومانباریان کوشتووه‌ و هه‌روه‌ها نزیکه‌ی 80 که‌سی تریشـیان ده‌ستگیرکردووه‌.

بابه‌تی په‌یوه‌ندیدار

XS
SM
MD
LG