پـۆلیسی عێراق ڕایگه‌یاند که‌وا ڕۆژی یه‌کشه‌ممه به‌هۆی زنجیره‌یه‌ک له ته‌قینه‌وه‌ی ئۆتۆمبیلی بۆمبڕێژکراو له شـاری ڕومادی له ڕۆژئاوای وڵاته‌که به لایه‌نی که‌م 16 که‌س کوژراون و ده‌یانی دیکه‌ش برینداربوون.
ته‌قینه‌وه‌کان له نزیـک باڵه‌خانه‌یه‌کی حکومه‌تی پارێزگای ئه‌نبار ڕوویان‌داوه.
پـۆلیس و شایه‌تحاڵه‌کان ده‌ڵێن ته‌قینه‌وه‌ی یه‌که‌م له ناو شـوێنێـکی ڕاگرتنی ئۆتۆمبیلی باڵه‌خانه‌که‌دا بووه و له‌گه‌ڵ گه‌یشـتنی هێزه‌کانی پـۆلیس و تیمه‌کانی فریاگوزاری بۆ شـوێنی ته‌قینه‌وه‌که ئۆتۆمبیلی دووه‌م ته‌قیوه‌ته‌وه.
پاشـان ته‌قینه‌وه‌ی سێهه‌م له به‌رده‌م نه‌خۆشـخانه‌ی سه‌ره‌کی شـاری ڕومادیدا بووه، ئه‌و شـوێنه‌ی قوربانیـانی دوو ته‌قینه‌وه‌که‌یان بۆ گواسـتوونه‌ته‌وه.
ئه‌م ته‌قینه‌وانه‌ی ئه‌مڕۆ یه‌کشه‌ممه سێهه‌م زنجیره ته‌قینه‌وه‌یه که له ماوه‌ی که‌متر له هه‌فته‌یه‌کدا له پارێزگای ئه‌نباردا ڕووبدات.
تا ئاماده‌کردنی ئه‌م هه‌واڵه هیچ که‌س و لایه‌نێـک به‌رپـرسـیارێتی خۆیان له‌و هێرشـانه ڕانه‌گه‌یاندووه، وه‌لێ زۆر جار ئه‌لقاعیده هێرشی له‌م جۆرانه‌ی کردووه.
