Accessibility links

ئێران سێ ڕۆژنامه‌ی ڕه‌خنه‌گری ئه‌حمه‌دی‌نه‌ژاد داده‌خات


ده‌سه‌ڵاتدارانی ئێرانی سێ ڕۆژنامه‌یان داخسـتووه‌ که‌ به‌وه‌ ناسـراون ڕه‌خنه‌ له‌ سه‌رۆک مه‌حمود ئه‌حمه‌دی‌نه‌ژاد ده‌گرن.

ڕۆژی سێشه‌ممه‌ ئاژانسی ده‌نگ‌وباسی سه‌ر به‌ ده‌وڵه‌تی ئێران ئه‌م هه‌واڵه‌ی ڕاگه‌یاند و گوتی حکومه‌ت ڕۆژنامه‌کانی فه‌رهه‌نگی ئاشتی و ئارمان و ته‌حلیلی ڕوزی داخسـتووه‌،، به‌ڵام باسی له‌ هۆکاری داخسـتنه‌کان نه‌کرد.

پـێشـتریش حکومه‌تی ئێران ڕۆژنامه‌ی دیکه‌ی داخستووه‌، به‌ تایبه‌تی ئه‌وانه‌ی له‌ پاش هه‌ڵـبژاردنی سه‌رۆکایه‌تی له‌ 12 ی مانگی شه‌ش ڕه‌خنه‌یان له‌ مه‌حمود ئه‌حمه‌دی‌نه‌ژاد گرتووه‌.

له‌ مانگی نۆدا ده‌سه‌ڵاتدارانی ئێران به‌ شـێوه‌یه‌کی کاتی ڕۆژنامه‌ی کاندیدی سه‌رۆکایه‌تی مه‌هدی که‌ڕووبیان داخست، پاش ئه‌وه‌ی بابه‌تی بڵاوکردبۆوه‌ و تیایدا هاتبوو له‌ زیندانه‌کانی ئێراندا ده‌سـتدرێژی سه‌ر نامووسی ئه‌و که‌سانه‌ کراوه‌ که‌ له‌ میانه‌ی خۆپـیشـاندانه‌کانی دژ به‌ هه‌ڵـبژاردنه‌وه‌ی ئه‌حمه‌دی‌نه‌ژادا ده‌سـتگیرکرابوون.

XS
SM
MD
LG