Accessibility links

تیمه‌کانی فریاگوزاری بیانی یارمه‌تی قوربانیانی بومه‌له‌رزه‌که‌ی پادانگی ئه‌نده‌نوسیا ده‌ده‌ن


تیمه‌کانی به‌هاوارچوونی بیانی له‌ ئه‌نده‌نوسیا کارده‌که‌ن تاکو بگه‌ن به‌و ناوچانه‌ی ناوه‌وه‌ و ده‌ره‌وه‌ی شـاری به‌نده‌ری پادانگ که‌ به‌هۆی بومه‌له‌رزه‌یه‌کی به‌هێز له‌ ڕۆژی چوارشه‌ممه‌ وێرانبوو.

نه‌ته‌وه‌ یه‌کگرتووه‌کان ده‌ڵێت ژماره‌ی قوربانیان به‌هۆی بومه‌له‌رزه‌که‌ی که‌ به‌ گوڕی 7.6 بوو به‌ لایه‌نی که‌م گه‌یشـتۆته‌ 1100 که‌س.

تیمه‌کانی فریاگوزاری و سه‌گه‌ی پـشـکنین و که‌ره‌سـته‌ی لابردنی شـت‌ومه‌ک و که‌ره‌سـته‌ی ته‌نگه‌تاوی به‌ره‌و پادانگی پایته‌ختی هه‌رێمی سۆمه‌تره‌ی ڕۆژئاوا براون.

ئۆتۆمبیله‌کانی نه‌خۆش‌گواسـتنه‌وه‌ سه‌خته‌ بۆیان بگه‌ن به‌ شـوێنه‌که‌ به‌هۆی ڕاوه‌سـتانی ئۆتۆمبیلێـکی زۆر و قه‌ڵه‌باڵغی تاکو بچنه‌ نێو شـاره‌که‌وه‌ له‌ کاتێـکدا کاره‌با بڕاوه‌ و ترافیـک لایته‌کانیش کار ناکه‌ن.

زۆربه‌ی خانووبه‌ره‌کان و ئۆفیسـه‌کان له‌ پادانگ ته‌ها زیانێـکی که‌میان پـێـگه‌یشـتووه‌، به‌ڵام هه‌ندێـک له‌ ئۆفیسـه‌ گه‌وره‌کان و نه‌خۆشـخانه‌ و ئۆتێل و مزگه‌وت و کڵێسـاکان به‌ ته‌واوه‌تی وێران بوون.

دوێنی هه‌ینی تیمه‌کانی به‌هاوارچوون خوێندکارێـکی زانکۆی ته‌مه‌ن 20 سـاڵانیان به‌ زیندویی له‌ ژێر شوێنێـکی وێرانبوودا ده‌رکردووه‌. ده‌شڵێن هێشـتا نه‌یانتوانیوه‌ بگه‌ن به‌ ته‌واوی ئه‌و بینایانه‌ی که‌ ڕووخاون.

بابه‌تی په‌یوه‌ندیدار

XS
SM
MD
LG