Accessibility links

تیمه‌کانی فریاگوزاری بیانی سه‌رگه‌رمی هاوکاریکردنی قوربانیانی بومه‌له‌رزه‌که‌ی ئه‌نده‌نوسیان


تیمه‌کانی فریاگوزاری نێونه‌ته‌وه‌یی له‌ هه‌وڵ و کۆشـش‌دان بۆ گه‌یشتن به‌ ناوچه‌ وێرانکراوه‌کانی دورگه‌ی سـۆمه‌تره‌ی ئه‌نده‌نوسـیا به‌هۆی بومه‌له‌رزه‌یه‌کی ئێجگار به‌هێزه‌وه‌ له‌ ده‌مێـکدا ژماره‌ی کوژراوان له‌ زیادبووندایه‌.

هه‌رچه‌نده‌ ده‌سـه‌ڵاتدارانی ئه‌نده‌نوسـیا ده‌ڵێن هه‌تا ئێسـتا له‌ ئاکامی بومه‌له‌رزه‌ی چوارشه‌ممه‌ی ڕابردوو که‌ به‌ توندی 7.6 ی پـێوانه‌ی بومه‌له‌رزه‌ بوو، به‌ لای که‌م 770 که‌س کوژراون، به‌ڵام زۆر پـێده‌چێت ئه‌و ژماره‌یه‌ زۆرتر زیادبکات چونکه‌ به‌ هه‌زاران که‌س که‌وتوونه‌ته‌ ژێر دار و به‌رده‌وه‌.

سه‌رۆکی ئه‌رکه‌ مرۆیی‌یه‌کانی نه‌ته‌وه‌ یه‌کگرتووه‌کان جۆن هۆمز ڕایگه‌یاند به‌ سه‌دان که‌س برینداربوون و ڕه‌نگه‌ ژماره‌ی کوژراوان بگاته‌ 1100 که‌س.

تیمه‌کانی فریاگوزاری پـزیشـکی و سه‌گی پـشـکنین و که‌ره‌سـته‌ی فریاگوزاری به‌ دورگه‌ی سـۆمه‌تره‌دا که‌وتوونه‌ته‌گه‌ڕ. به‌ڵام هه‌وڵه‌کانی فریاگوزاری له‌ ناو شـاری پادانگ و ده‌وروبه‌ریدا که‌ ژماره‌ی دانیشـتوانی ده‌گاته‌ نزیکه‌ی 900 هه‌زار که‌س هێور بۆته‌وه‌ به‌ هۆی بڕانی وزه‌ی کاره‌با و نه‌بوونی که‌ره‌سـته‌ی کاریگه‌ر بۆ لابردنی باڵه‌خانه‌ ڕووخاوه‌کان.

شـایه‌نی باسه‌ په‌یامنێری ده‌نگی ئه‌مه‌ریکا براین پادن که‌ له‌ ناوچه‌ی پادانگه‌ ڕایگه‌یاند پـێده‌چێت یه‌ک له‌سه‌ر سـێی بۆ یه‌ک له‌سه‌ر چواری باڵه‌خانه‌کان زیانیان پـێـگه‌یشـتبێت.

بابه‌تی په‌یوه‌ندیدار

XS
SM
MD
LG