Accessibility links

کاربه‌ده‌سـتێـکی عێراق ده‌ڵێت خۆکوژه‌که‌ی به‌رده‌م وه‌زاره‌تی ده‌ره‌وه‌ پـێشتر لای ئه‌مریکیـیه‌کان ده‌سـتگیرکرابوو


کاربه‌ده‌سـتێـکی باڵای عێراق ده‌ڵێت ئه‌و خۆکوژه‌ی له‌ سه‌ره‌تای ئه‌م مانگه‌دا ماشێنێـکی بۆمبڕێژکراوی ته‌قاندبۆوه‌ و بووه‌ مایه‌ی کوژرانی به‌ لانی که‌م 100 که‌س پـێشتر لای ئه‌مه‌ریکایی‌یه‌کان ده‌سـتگیرکرابوو و پاش ئازادیان کردووه‌.

ڕۆژی یه‌کشه‌ممه‌ ئه‌و کاربه‌ده‌سـته‌ گوتی خۆکوژه‌که‌ی به‌رده‌م وه‌زاره‌تی ده‌ره‌وه‌ یه‌کێـک بووه‌ له‌و که‌سـانه‌ پـێشتر له‌ که‌مپی بووکه‌ ده‌سـتگیرکرابوو، که‌ زیندانێـکی ئه‌مه‌ریکایه‌ له‌ باشوری عێراق و بڕیاره‌ له‌ مانگی نۆدا دابخرێت.

جێی ئاماژه‌ پـێکردنه‌ به‌پـێی ڕێـکه‌وتنی ئاسایشی نێوان به‌غدا و اشـنتن ئه‌وه‌ی له‌ سه‌ره‌تای ئه‌مسـاڵه‌وه‌ کاری پـێده‌کرێت، له‌شـکری ئه‌مه‌ریکا زیاتر له‌ 5 هه‌زار ده‌سـتگیرکراوی ئازادکردووه‌ و هه‌روه‌ها نزیکه‌ی 1200 ی دیکه‌شی ڕه‌وانه‌ی زیندانه‌کانی عێراق کردووه‌.

هه‌ندێ له‌ عێراقیـیه‌کان سـکاڵا ده‌که‌ن و ده‌ڵێن ئه‌و که‌سـانه‌ی ئازادکراون گه‌ڕاونه‌ته‌وه‌ سه‌ر توندوتیژی.

بابه‌تی په‌یوه‌ندیدار

XS
SM
MD
LG