ئه‌مڕۆ سێشه‌ممه حکومه‌تی عێراقی گرێبه‌سـتی به‌ڕێوه‌بردنی هه‌شت بیری مه‌زنی نه‌وت و گازی خسته پـێشـه‌بڕکێ و ملمانێـیه‌وه، به‌ڵام ته‌نیا یه‌ک ڕێـکه‌وتنی له‌سه‌ر یه‌ک له بیره‌کان کرد.
کۆمه‌ڵێـکی بازرگانی له نێویاندا BP و CNPC ی چینی سه‌ودای گرێبه‌سـتێـکیان قبوڵ‌کرد بۆ فراوانکردنی به‌رهه‌مهێنان له گه‌وره‌ترین بیری نه‌وت له ڕومێڵه له باشوری عێراق.
کۆمه‌ڵێـک که‌وا ExxonMobil ی تێدا بوو مه‌رجه‌کانی ڕه‌تکرده‌وه که‌وا ده‌رفه‌تی 2$ له سه‌رووی که‌مترین بڕی دیارکراو به کۆمپانیـیه‌کان ده‌دات بۆ به‌رهه‌مهێنانی هه‌ر به‌رمیلێـک نه‌وت.
هه‌رچی کۆمپانیا بیانیـیه‌کانه داوای نزیـکه‌ی دووبه‌رابه‌ر یان زیاتری ئه‌و بڕه پاره‌یه‌یان کردبوو.
کۆمه‌ڵی BP داوای خۆی هه‌ڵـگه‌ڕانده‌وه و گره‌وی گرێبه‌سـته‌که‌ی به‌ده‌سـتهێنا.
هه‌ندێ له بیری نه‌وتی بچوک‌تر سه‌رنجی هیچ کۆمپانیایه‌کی ڕانه‌کێشـا، وه کۆمپانیای دیکه داوای گه‌لێـک زیاتریان کرد له‌و دوو دۆلاره‌ی به‌غدا بۆ هه‌ر به‌رمیلێـک پـێشـنیاری کردبوو.
