Accessibility links

له‌ ئه‌نجامی ته‌قینه‌وه‌ی ئۆتۆمبیلێـکی بۆمبڕێژکراو له‌ باشوری عێراق 32 که‌س ده‌کوژرێن


کاربه‌ده‌سـتانی عێراق ده‌ڵێن ڕۆژی چوارشه‌ممه‌ له‌ ئه‌نجامی ته‌قینه‌وه‌ی ئۆتۆمبیلێـکی بۆمبڕێژکراو له‌ بازاڕێـکی قه‌ره‌باڵغی شـارۆچکه‌ی به‌تحا له‌ پارێزگای ناسریه‌ی باشوری وڵات به‌ لایه‌نی که‌م 32 که‌س کوژراون و 70 که‌سی دیکه‌ش برینداربوون.

شـایانی باسه‌ ئه‌و شـارۆچکه‌یه‌ 385 کیلۆمه‌تر له‌ خواروی به‌غداوه‌یه‌ و دانیشـتووانه‌که‌ی شیعه‌ ئاینزان و پـێشـتر شوێنی شه‌ڕی نێوان چه‌کداره‌کانی مه‌لای توندڕه‌وی شیعه‌ موقته‌دا ئه‌لسه‌در و هێزه‌کانی حکومه‌تی عێراق بووه‌، به‌ڵام دواتر به‌پـێی ئاگربه‌سـتێـک ئه‌و شه‌ڕه‌ ڕاگیرا.

په‌یامنێری ده‌نگی ئه‌مریکا له‌ به‌غدا گۆران تۆفیق ڕاپـۆرتی له‌و باره‌یه‌وه‌ ناردووه‌، ده‌توانن گوێبیسـتی بن له‌ ڕێـگه‌ی كلیـكـكردنی ئه‌و فایله‌ ده‌نـگیـیانه‌ی ده‌سته‌ چه‌پ، ماوه‌كه‌ی 1:12 خوله‌كه‌.

بابه‌تی په‌یوه‌ندیدار

XS
SM
MD
LG