Accessibility links

چه‌ند پارچه‌یه‌ک له‌ ئۆقیانوسی ئه‌تڵه‌سیدا ده‌دۆزرێنه‌وه‌ و گومان ده‌کرێت هی فڕۆکه‌ فه‌ره‌نسـیـیه‌که‌ بێت


فڕۆکه‌کانی گه‌ڕان و پشـکنین چه‌ند پارچه‌یه‌کیان له‌ ئۆقیانوسی ئه‌تڵه‌سیدا دۆزیوه‌ته‌وه‌ و پـێده‌چێت هی ئه‌و فڕۆکه‌یه‌ی هێڵی ئاسـمانی ئێر فرانس بێت ئه‌وه‌ی ڕۆژی دووشه‌ممه‌ له‌ که‌ناره‌کانی باکور ڕۆژهه‌ڵاتی به‌ڕازیڵ بێ سه‌روشوێن بوو.

ڕۆژی سێشه‌ممه‌ هێزی ئاسـمانی به‌ڕازیل ڕایگه‌یاند که‌وا فڕۆکه‌کانی چه‌ند کورسـیـیه‌کی فڕۆکه‌یان دیوه‌ له‌گه‌ڵ چه‌ند پلێتێـک و هه‌روه‌ها سووته‌مه‌نی له‌ دوری 650 کیلۆمه‌تر له‌ که‌ناره‌کانی به‌ڕازیله‌وه‌.

به‌ درێژایی شه‌وی دووشه‌ممه‌ ژماره‌یه‌ک فڕۆکه‌ و که‌شتی هێزی ده‌ریایی هه‌ریه‌ک له‌ به‌ڕازیل و فه‌ره‌نسا و ئیسـپانیا ناوچه‌یه‌کی فراوانی ئۆقیانوسی ئه‌تڵه‌سـیـیان به‌ ئامێری تایبه‌ت پشـکنیوه‌، ئه‌ویش بۆ دۆزینه‌وه‌ی سـنوقی ڕه‌شی فڕۆکه‌که‌.

جێی ئاماژه‌ پـێـکردنه‌ ئه‌م فڕۆکه‌یه‌ی هێڵی ئاسـمانی ئێر فرانس که‌ 228 سه‌رنشینی له‌سه‌ر بووه‌ و ژماره‌ی گه‌شـته‌که‌ی 447 بوو، به‌ره‌به‌یانی ڕۆژی دووشه‌ممه‌ دوای چوار کاتژمێر له‌ هه‌سـتانی له‌ شـاری ڕیۆ دی جانیرۆی به‌ڕازیل به‌ره‌و شـاری پاریس له‌سه‌ر ئۆقیانوسی ئه‌تڵه‌سیدا دیار نه‌ما.

بابه‌تی په‌یوه‌ندیدار

XS
SM
MD
LG