ماڵپه‌ڕی کۆمه‌ڵایه‌تیـیانه‌ی فه‌یس‌بوک Facebook هه‌ر دوو هه‌فته پـێش هه‌ڵـبژاردنه‌کانی سه‌رۆکایه‌تی ئێران له لایه‌ن ئه‌و وڵاته‌وه بلۆک کراوه.
ئاژانسی په‌یام‌ونووچه‌ی کاری ئێرانی له ڕۆژی شه‌ممه ڕایگه‌یاندووه چه‌ندین له‌و کارگوزاریـیانه‌ی ئێرانی که ئنته‌رنێت دابین ده‌که‌ن ماڵپه‌ڕه‌کانیان بـلۆک کردوون له کاتێـکدا به‌کارهێنه‌رانی فه‌یس‌بوک ویسـتوویانه زانیاریـیه‌کی زۆرتر له باره‌ی کاندیدی ئۆپـۆزیسـیۆن و سه‌رۆک وه‌زیری پـێشین میر حوسه‌ین موسه‌وی به‌ده‌ست‌بهێنن.
ئاژانسی په‌یام و نووچه‌ی کار ده‌ڵێت کاربه‌ده‌سـتانی ئێرانی له پـێشـدا ماڵپه‌ڕه‌که‌یان داخسـتبوو، به‌ڵام پاش چه‌ند ڕۆژێـک سه‌رله‌نوێ ڕێـگه‌یان داوه‌ته‌وه.
فه‌یس‌بوک له‌و باره‌یه‌وه بێزاری ده‌ربڕیوه به‌رامبه‌ر به کاربه‌ده‌سـتانی ئێرانی.
سه‌باره‌ت به‌م هه‌واڵه‌که هاوکارمان جانی دیلان گفتوگۆی له‌گه‌ڵ نووسه‌ر و ڕۆژنامه‌نووس شه‌هاب شه‌یخی کردووه، ده‌توانن گوێبیسـتی بن له ڕێـگه‌ی كلیـكـكردنی ئه‌و فایله ده‌نـگیـیانه‌ی ده‌سته چه‌پ، ماوه‌كه‌ی 7 خوله‌كه.
