Accessibility links

که‌ناڵی ته‌له‌فیزیۆنی ده‌وڵه‌تی سریلانکا ده‌ڵێت ڕێبه‌ری سه‌رهه‌ڵـداوانی تامیل کوژرا


که‌ناڵی ته‌له‌فیزیۆنی ده‌وڵه‌تی سریلانکا ڕایگه‌یاند ڕێبه‌ری سه‌رهه‌ڵـداوانی پڵنگه‌کانی تامیل ڤێلووپـیڵای پرابهاکاران کوژرا.

به‌پـێی ڕاپۆرتی ده‌زگاکانی ڕاگه‌یاند زوویه‌کی ڕۆژی دووشه‌ممه‌ ڤێلووپـیڵای پرابهاکاران کوژرا له‌و ده‌مه‌ی هه‌وڵی دابوو به‌ ئۆتۆمبیلێـکی ئه‌مبوڵانس له‌ ناوچه‌ی شه‌ڕه‌که‌ هه‌ڵبێت.

کاربه‌ده‌سـتانی له‌شـکری ده‌ڵێن ڤێلووپـیڵای پرابهاکاران له‌گه‌ڵ هه‌ردوو جێـگره‌که‌ی پـێـکه‌وه‌ کوژراون که‌ یه‌کێـکیان به‌ سووسای و ئه‌وی دیکه‌یان به‌ پـوتو ئه‌مـمان ناسـرابوون.

سه‌رچاویه‌ک له‌ ئۆفیسی ماهایندا ڕاجاپاکسا سه‌رۆکی سریلانکا به‌ ده‌نگی ئه‌مریکای گوت به‌و مه‌رجه‌ی ناوی ئاشـکرا نه‌کرێت که‌وا ڕاگه‌یاندنێـکی فه‌رمی له‌و باره‌یه‌وه‌ ده‌رده‌چێت پاش ئه‌وه‌ی له‌ ڕاستی ناسـنامه‌ی کوژراوه‌کان یه‌کلا ده‌بنه‌وه‌.

هه‌ر ڕۆژی دووشه‌ممه‌ سه‌رۆکی له‌شـکری سریلانکا ڕایگه‌یاند ئۆپه‌راسیۆنه‌ له‌شـکریـیه‌کان کۆتایی‌یان‌پـێهات و بۆ جاری یه‌که‌م له‌ پاش سـاڵی 1983 وه‌ ته‌واوی خاکی وڵاته‌که‌ له‌ ژێر ده‌سه‌ڵاتی حکومه‌تدایه‌.

شـایانی باسه‌ 26 سـاڵ له‌مه‌وبه‌ر سه‌رهه‌ڵـداوانی تامیل چه‌کیان هه‌ڵـگرد له‌پـێناو دامه‌زراندی نیشـتیمانێـکی سه‌ربه‌خۆ بۆ نه‌ته‌وه‌که‌یان، له‌و ده‌مه‌وه‌‌ به‌ ده‌یان هه‌زار که‌س له‌ نێو ئه‌و شه‌ڕه‌دا کوژران.

بابه‌تی په‌یوه‌ندیدار

XS
SM
MD
LG