Accessibility links

پاکسـتان ده‌ڵێت 140 چه‌کداری له‌ دۆڵی سـوات کوشـتووه‌


له‌شـکری پاکسـتان ده‌ڵێت 140 میلیتانی ئیسلامیـیان له‌ شه‌ڕێـکدا له‌ ماوه‌ی دوو ڕۆژی ڕابردوو له‌ دۆڵی سـوات کوشـتووه‌.

جه‌نه‌ڕاڵ ئه‌تار عه‌باس ده‌ڵێت ئه‌و شـه‌ڕه‌ هێرشێـکی سه‌رانسه‌ری پاکسـتان بوو بۆ نه‌هێشـتنی چه‌کدارانی تالیبان له‌ دۆڵی سـواتدا.

پاکسـتان ده‌ستی به‌ هێرشێـکی ئاسـمانی نوێ کردووه‌ دژ به‌ بنکه‌کانی گومانبارانی تالیبان له‌ باکوری ڕۆژئاوای دۆڵی سـوات، ئه‌مه‌ش ڕۆژێـک دوای فه‌رمانی سه‌رۆک وه‌زیری وڵات بۆ نه‌هێشـتنی ملیتانه‌کان له‌و هه‌رێمه‌دا دێت.

فڕۆکه‌ و هه‌لیـکۆپـته‌ره‌ جه‌نگیـیه‌کان ئه‌مڕۆ هه‌ینی هێرشـیان کرده‌ سه‌ر ناوچه‌ی کابال که‌ شـوێنی حه‌وانه‌وه‌ی تالیبانه‌ له‌ باکوری ڕۆژئاوای مۆنگاره‌ی شاری سه‌ره‌کی دۆڵی سـوات، هه‌روه‌ها له‌شـکر سه‌ربازی زیاتری ناردۆته‌ هه‌رێمه‌که‌ بۆ هێرشی زه‌مینی.

دوێنێ پـێـنجشه‌ممه‌ له‌ وتارێـکی ته‌له‌فیزیۆنیدا سه‌رۆک وه‌زیر یوسف ڕه‌زا گه‌یلانی داوای له‌ وڵاتیـیان کرد که‌ یه‌کگرتووبن دژ به‌ توندڕه‌وان، وه‌ هه‌روه‌ها داواشی له‌ کۆمه‌ڵـگای نێونه‌ته‌وه‌یی کرد که‌ یارمه‌تی ئه‌و که‌سـانه‌ له‌ دۆڵی سـوات بده‌ن، ئه‌وانه‌ی که‌ به‌هۆی شـه‌ڕه‌که‌وه‌ ئاواره‌ بوون.

شـایانی باسه‌ له‌و کاته‌وه‌ی سه‌ربازانی حکومه‌ت هێرشـه‌کانیان دژ به‌ تالیبان زیادکردووه‌ دوا به‌دوای سه‌رنه‌که‌وتنی ڕێـکه‌وتنی ئاشـتی له‌گه‌ڵ میلیتانه‌کانی تالیبان به‌ ده‌یان هه‌زار که‌س له‌ هه‌رێمی سـوات ئاواره‌بوون.

بابه‌تی په‌یوه‌ندیدار

XS
SM
MD
LG