Accessibility links

سه‌رۆک ئۆباما خوازیاری سه‌ره‌تایه‌کی نوێـیه‌ له‌گه‌ڵ ئێراندا


باراک ئۆبامای سه‌رۆکی ئه‌مریکا ده‌ڵێت ئه‌و هه‌وڵی سه‌ره‌تایه‌کی نوێ له‌ په‌یوه‌ندیـیه‌کانی نێوان ئێران و وڵاته‌ یه‌کگرتووه‌کانی ئه‌مریکا ده‌دات که‌ تیایدا ده‌رفه‌تی زیاتری هاوبه‌شـیکردن و بازرگانی له‌خۆبگرێت.

سه‌رۆک ئۆباما ئه‌مڕۆ له‌ په‌یامێـکی ڤیدیۆیـیدا به‌ بۆنه‌ی نه‌ورۆزه‌وه‌ که‌ ئێرانیـیه‌کان و کورد و هه‌روه‌ها نه‌ته‌وه‌کانی دیکه‌ی هه‌رێمه‌که‌ ئاهه‌نگی سـاڵی نوێ ده‌گێڕن، ئه‌م لێـدوانه‌ی دا.

له‌ وته‌کانیدا که‌ ئاڕاسـته‌ی سه‌رۆکی ئێرانی کرد سه‌رۆک ئۆباما ئاماژه‌ی به‌ جیاوازیـیه‌ قوڵه‌کانی نێوان هه‌ردوو وڵات دا، به‌ڵام گوتیشی به‌ڕێوه‌به‌رایه‌تیـیه‌که‌ی وابه‌سته‌ی ڕێبازی دیپـلۆماسیـیه‌ و هه‌روه‌ها هه‌وڵی په‌یوه‌ندی بونیادنه‌ر له‌ نێوان وڵاته‌ یه‌کگرتووه‌کانی ئه‌مریکا و ئێران و هه‌روه‌ها له‌گه‌ڵ کۆمه‌ڵـگای نێونه‌ته‌وه‌یـیـشـدا ده‌دات.

له‌ درێژه‌ی په‌یامه‌که‌یدا سه‌رۆکی ئه‌مریکا گوتی هه‌ڕه‌شه‌کردن پـرۆسه‌ی به‌شـداریکردن له‌ وتووێـژدا به‌ره‌و پـێش نابات، به‌ڵـکو ئه‌و پـرۆسه‌یه‌ له‌ ڕێـگه‌ی ڕاسـتگۆیی و ڕێز له‌ یه‌کگرتن پـێشـڕه‌وی ده‌کات.

هه‌روه‌ها باراک ئۆباما ده‌شـڵێت پـێـگه‌ی ئێران له‌ نێو کۆمه‌ڵـگه‌ی وڵاتاندا له‌ ڕێـگه‌ی تیرۆر و چه‌که‌وه‌ به‌ ئاکام ناگات، به‌ڵـکو له‌ ڕێـگه‌ی کاری ئاشـتیـیانه‌.

ئه‌وه‌ی شــایانی گوتنه‌ تێبینی‌یه‌کانی ئه‌مڕۆی سه‌رۆکی ئه‌مریکا به‌ پـێـچه‌وانه‌ی سه‌رۆک بوشی پـێشـینی بوو، ئه‌وه‌ی هه‌وڵی دا ئێران گۆشه‌گیربکات و به‌ ته‌وه‌ری به‌دکار ناوی برد.

XS
SM
MD
LG