Accessibility links

ده‌لای لاما ده‌ڵێت حوکمڕانی چین هه‌رێمی تبتی کردۆته‌ 'دۆزه‌خی سه‌ر زه‌وی'


ڕابه‌ری ڕۆحی تبتیـیه‌کان ده‌لای لاما حکومه‌تی چینی به‌ کوشـتنی سه‌دان هه‌زار له‌ هاوڵاتیـیانی تبتی له‌ هه‌رێمی هیمالایا تۆمه‌تبار کردووه‌ و ده‌ڵێت حکومه‌تی چین ئه‌و هه‌رێمه‌ی کردۆته‌" دۆزه‌خ."

له‌ وتاره‌که‌یدا به‌ بۆنه‌ی په‌نجاهه‌مین سـاڵیادی ڕاپه‌ڕینی تبتیـیه‌کان له‌ دژی حوکمڕانی چینی، ده‌لای لاما گوتی له‌ ماوه‌ی 50 سـاڵی ڕابردوودا حوکمڕانی چین ئازار و ێرانکاری به‌سه‌ر خاک و هاوڵاتیـیانی تبتیدا هێناوه‌.

له‌ درێژه‌ی وته‌که‌یدا ڕابه‌ری ڕۆحی تبتی گوتیشی سـیاسه‌ته‌ سه‌رکوتکاریـیه‌کان و هه‌روه‌ها هه‌ڵـمه‌تی ئه‌نجامدانی توندوتیژی، ئه‌وانه‌ی له‌ لایه‌ن حکومه‌تی چینه‌وه‌ له‌ میانه‌ی داگیرکردنی هه‌رێمی تبتدا ئه‌نجامی‌داوه‌ هاوڵاتیـیانی هه‌رێمه‌که‌ی دووچاری ئازار و دژواری و ناڕه‌حه‌تیـیه‌کی زۆر کردووه‌ و دۆزه‌خی پـیشـانی هاوڵاتیـیانی هه‌رێمه‌که‌ داوه‌.

ئه‌وه‌ی شـایانی گوتنه‌ ئه‌م تێبینی‌یه‌ توند ئامێزه‌ی ده‌لای لاما له‌ دژی چین به‌ خێرایی له‌ لایه‌ن به‌رپـرسـانی چینه‌وه‌ به‌ لاوه‌ نرا و بایه‌خی پـێـنه‌درا. وه‌زاره‌تی ده‌ره‌وه‌ی چین ڕایگه‌یاند چین وه‌ڵامی وته‌ی نادوروست و درۆکانی ده‌لای لاما ناداته‌وه‌.

بابه‌تی په‌یوه‌ندیدار

XS
SM
MD
LG