Accessibility links

گه‌ڕان و پـشـکنین به‌ دوای ئه‌فسه‌ره‌ بێ سه‌روشوێنه‌کانی به‌نگلادیش ده‌سـتیپـێـکرد


ئه‌ندامانی تیمی ئاگرکوژاندنه‌وه‌ له‌ به‌نگلادیش ئه‌مڕۆ شه‌ممه‌ ده‌سـتیان به‌ گه‌ڕان به‌ دوای ئه‌و ئه‌فسه‌ره‌ له‌شـکریـیانه‌دا کردووه‌ ئه‌وانه‌ی دوای دوو ڕۆژ له‌ یاخیبوونێـکی خوێناوی له‌ لایه‌ن پاسه‌وانانی سـنووریـیه‌وه‌ وا ئێسـتا بێ سه‌روشوێنن.

شێخ محه‌مه‌د شـا جه‌لال به‌رپـرسی تیمی ئاگرکوژاندنه‌وه‌ ده‌ڵێت 9 ته‌رمی دیکه‌ له‌ نێو گۆڕێـکی به‌ کۆمه‌ڵ له‌ نێو سه‌ربازگه‌یه‌کدا له‌ ده‌کای پایته‌خت دۆزراونه‌ته‌وه‌. ناوبراو ده‌شڵێت چاره‌نووسی ئه‌فسه‌رانی دیکه‌ هێشـتا نادیاره‌.

ئه‌وه‌ی شـایانی باسه‌ ژماره‌ی کوژراوانی ئاکامی یاخیبوونه‌که‌ی به‌نگلادیش تا ئێسـتا گه‌یشـتۆته‌ نزیکه‌ی 75 که‌س و زۆربه‌یان که‌سـانی له‌شـکری پایه‌ به‌رزن.

دوێنی هه‌ێنی له‌ میانه‌ی گه‌ڕان و پـشـکنینی سه‌ربازگه‌یه‌ک سـوپای به‌نگلادیشی گۆڕێـکی به‌ کۆمه‌ڵی دۆزیـیه‌وه‌ و تیادا نزیکه‌ی 40 ته‌رمی تێدا بوو. هاوکات به‌رپـرسـانی له‌شـکری به‌نگلای ده‌ڵێن ته‌رمی فه‌رمانده‌ی یاخیبوونه‌که‌ی پاسه‌وانانی سـنووری ناسـراو به‌ جه‌نه‌ڕاڵ شه‌کیل ئه‌حمه‌دیان له‌ نێو سه‌ربازگه‌یه‌کدا دۆزیوه‌ته‌وه‌.

هه‌ر دوێنێش هه‌ینی شـێخ حه‌سینه‌ی سه‌رۆک وه‌زیری به‌نگلادیش ڕایگه‌یاند ئه‌و سه‌ربازانه‌ی پاسه‌وانی سـنوور ئه‌وانه‌ی ڕاسـته‌وخۆ ده‌سـتیان له‌ یاخیبوونه‌که‌دا هه‌بووه‌، ئه‌و سه‌ربازانه‌ لێـبووردن نایانگرێته‌وه‌.

بابه‌تی په‌یوه‌ندیدار

XS
SM
MD
LG