Accessibility links

فڕۆکه‌یه‌کی هێـڵی ئاسـمانی تورکیا له‌ فڕۆکه‌خانه‌ی ئه‌مسـتردام تێـکده‌شکێت و 9 کوژراوی لێـده‌که‌وێته‌وه‌


فڕۆکه‌یه‌کی هێـڵی ئاسـمانی تورکیا به‌ 135 سه‌رنشینه‌وه‌ له‌ فڕۆکه‌خانه‌ی سـخیفۆڵی ئه‌مسـتردام تێـکشـکا له‌و ده‌مه‌ی هه‌وڵی نیشـتنه‌وه‌ی ده‌دا. به‌پـێی لـێدوانی کاربه‌ده‌سـتان 9 که‌س کوژراون و به‌ لایه‌نی که‌م 50 که‌سی دیکه‌ش برینداربوون و نیوه‌یان برینه‌کانیان سه‌خته‌.

فڕۆکه‌ی تورکی جۆری بۆینگی 737 ڕۆژی چوارشه‌ممه‌ له‌ فڕۆکه‌خانه‌ی ئسـته‌نبوڵه‌وه‌ هه‌سـتا به‌ره‌و ئه‌مسـتردامی پایته‌ختی هۆڵه‌ندا،‌ به‌ر له‌ گه‌یشـتنی بۆ ڕاڕه‌وی نیشـتنه‌وه‌ی فڕۆکه‌خانه‌که‌ به‌ 500 مه‌تر نیشـته‌وه و بوو بۆ به‌ سێ که‌رته‌وه‌. فڕۆکه‌که‌ له‌ که‌ش‌وهه‌وایه‌کی ته‌ماویدا نیشـتبۆوه‌.

ته‌له‌فیزیۆنی هۆڵه‌ندی فڕۆکه‌که‌ی نیشـان دا له‌سه‌ر زه‌وی که‌تبوو و کلکه‌که‌ی لێبووبۆوه‌ و هه‌روه‌ها قڵیشـێـکی گه‌وره‌ی له‌ دوای کابینه‌ی فڕۆکه‌وانه‌کانیش تێـکه‌وتبوو. کارمه‌ندانی فریاگوزاریش برینداره‌کانیان به‌ره‌و نه‌خۆشـخانه‌ ده‌گواسته‌وه‌.

XS
SM
MD
LG