Accessibility links

چاوه‌ڕوان‌ده‌کرێت ئه‌نجامی هه‌ڵـبژاردنه‌کانی ئیسرائیل پـێـنجشه‌ممه‌ بڵاوبکرێته‌وه‌


کاربه‌ده‌سـتانی هه‌ڵبژاردنه‌کانی ئیسرائیلی چاوه‌ڕێ‌ده‌که‌ن ئاکامه‌کانی دوایی هه‌ڵـبژاردنه‌کانی په‌رله‌مانتاری ڕۆژی سێشه‌ممه‌ ئه‌مڕۆ پـێـنجشه‌ممه‌ ڕابگه‌یه‌نن، ئه‌مه‌ش دوای ئه‌وه‌ی ده‌یان هه‌زار له‌ ده‌نگی سه‌ربازه‌کانی له‌شـکری ئیسرائیلی ده‌ژمێردرێن که‌ له‌وانه‌یه‌ ئاکامی ده‌نگدانه‌کانیش بگۆڕن.

ئه‌وه‌ بوو دوای ئه‌وه‌ی که‌ له‌ سه‌دا 99 ی ده‌نگه‌کان ژمێردران وه‌زیری ده‌ره‌وه‌ی ئیسرائیلی زیپـی لیڤنی پارتی که‌دیما به‌ یه‌ک کورسی له‌ پـێشـه‌وه‌ی پارتی لیـکودی سه‌رۆک وه‌زیری پـێشـووی ئیسرائیلی بنیامین ناتانیاهو بوو.

هه‌ردوو ڕێبه‌ریش دوای هه‌ڵـبژاردنه‌کان سه‌رکه‌وتنیان ڕاگه‌یاند. هه‌ر لایه‌نه‌شـیان له‌گه‌ڵ پارته‌ بچووکه‌کانی تردا کۆده‌بنه‌وه‌ له‌ هه‌وڵێـکدا بۆ پـێـکهێنانی هاوپه‌یمانێتی به‌ڕێوه‌به‌رایه‌تی ده‌سه‌ڵاتی نوێ.

بڕیاره‌ له‌ هه‌فته‌ی داهاتوودا بڕیار له‌سه‌ر ئه‌وه‌ بدرێت که‌ چ لایه‌نێـکی سه‌رکه‌وتوو حکومه‌تی نوێی ئیسرائیلی پـێـک ده‌هێنن.

جێی باسه‌ ناسیۆنالیسـته‌کان و گرووپی ئاینیـیه‌کان 65 کورسی له‌ 120 کورسی په‌رله‌مانیان بردۆته‌وه‌.

بابه‌تی په‌یوه‌ندیدار

XS
SM
MD
LG