Accessibility links

سه‌رۆکی سریلانکا ده‌ڵێت سه‌رهه‌ڵـداوانی تامیل وا خه‌ریکه‌ به‌ ته‌واوی شـکست ده‌هێنن


سه‌رۆکی سـریلانکا ده‌ڵێت حکومه‌ته‌که‌ی توانیویه‌تی تا ڕاده‌یه‌کی ته‌واو شـکست به‌ شه‌ڕی چه‌کدارانه‌ی سه‌رهه‌ڵـداوانی تامیل تایگه‌ر بهێنێت که‌ له‌ پـێناوی جودابوونه‌وه‌ی خاکی نیشـته‌جێـیان هه‌وڵیان ده‌دا.

ئه‌و ڕاگه‌یاندنه‌ش هاوکاته‌ له‌گه‌ڵ ڕاپـۆرته‌کانی ڕێـکخراوی نه‌ته‌وه‌ یه‌کگرتووه‌کان سه‌باره‌ت به‌وه‌ی قوربانی زیاتری سـڤیلی له‌ پـێـکدادانه‌کانی نێوان حکومه‌ت و سه‌رهه‌ڵـداواندا که‌وتۆته‌وه‌.

ڕێـکخراوی نه‌ته‌وه‌ یه‌کگرتووه‌کان ده‌ڵێت له‌ ڕۆژی سێشه‌ممه‌ و له‌ ئه‌نجامی شه‌ڕ و پـێـکدادانه‌کانی ناوچه‌کانی باکوری سـریلانکا به‌ لایه‌نی که‌مه‌وه‌ 52 که‌س کوژران و 80 که‌سی دیکه‌ برینداربوون.

پـێشـتریش کۆمیته‌ی خاچی سووری نێونه‌ته‌وه‌یی گوتوویه‌تی خه‌ڵـکانی سـڤیل له‌ ڕۆژی سـێشه‌ممه‌دا نه‌خۆشـخانه‌ قه‌ره‌باڵـغه‌کانی سـریلانکایان به‌جێـهێشت به‌هۆی ئه‌و هێرشـانه‌ی له‌ ڕۆژی یه‌کشه‌ممه‌دا کرابوونه‌ سه‌ریان و بوونه‌ هۆی کوشـتنی به‌ لایه‌نی که‌مه‌وه‌ 12 که‌س.

بابه‌تی په‌یوه‌ندیدار

XS
SM
MD
LG