Accessibility links

جۆرج میچـڵ داوا ده‌کات ڕێـگه‌ به‌ جموجۆڵی بازرگانی به‌ره‌و غه‌ززه‌ بدرێت


نێردراوی وڵاته‌ یه‌کگرتووه‌کانی ئه‌مریکا بۆ ڕۆژهه‌ڵاتی ناوه‌ڕاست جۆرج میچـڵ ده‌ڵێت تاکه‌ ڕێـگه‌یه‌ک بۆ ڕاگرتنی ڕاوانه‌کردنی چه‌ک به‌ شـێوه‌یه‌کی نایاسایی بۆ ناو غه‌ززه‌ به‌وه‌ ده‌بێت که‌ ڕێـگه‌ به‌ کاڵا بازرگانیـیه‌کان بدرێت به‌ شـێوه‌یه‌کی یاسایی به‌ره‌و ناوچه‌ فه‌له‌سـتینیـیه‌کان بـبرێن.

پاش وتووێـژکردنی له‌گه‌ڵ سه‌رۆکی فه‌له‌سـتینیـیه‌کان مه‌حمود عه‌باس له‌ که‌ناری ڕۆژئاوا، جۆرج میچـڵ گوتیشی پـێویسـته‌ ده‌سه‌ڵاتی فه‌له‌سـتینی یارمه‌تی بدات له‌ سه‌رپه‌رشـتیکردنی ئه‌و ده‌روازانه‌ی بۆ جموجۆڵی بازرگانی ده‌کرێنه‌وه‌.

شـایانی باسه‌ به‌ڕێز میچڵ یه‌که‌م سه‌ردانی فه‌رمی خۆی بۆ ناوچه‌که‌ ده‌کات تا له‌گه‌ڵ هاوپه‌یمانانی ئه‌مریکا گفتوگۆ بکات له‌سه‌ر چۆنێتی مسۆگه‌رکردنی به‌رده‌وابوونی ئاگربه‌سـتی نێوان ئیسرائیل و حه‌ماس. ئه‌و هیچ پـلانێـکی بۆ قه‌سه‌کردن له‌گه‌ڵ ڕێبه‌رانی حه‌ماسدا نیـیه‌ که‌ حوکمڕانی غه‌ززه‌ ده‌که‌ن.

XS
SM
MD
LG