Accessibility links

ژماره‌یه‌ک چه‌کدار له‌ عێراق ئه‌ندامانی خێزانێـک ده‌کوژن


ده‌سه‌ڵاتدارانی عێراق ده‌ڵێن چه‌کداران له‌ پارێزگای بێ ئۆقره‌ی دیاله‌ به‌ لای که‌م 8 ئه‌ندامی خێزانێـکی عه‌ره‌بی سوننه‌یان کوشـتووه‌ و به‌ لای که‌مه‌وه‌ 6 ژنیان تیایه‌.

هه‌روه‌ها ده‌ڵێن هێرشه‌که‌ له‌ شـارۆچکه‌ی به‌له‌د رووز ڕوویداوه‌.

پارێزگای دیاله‌ که‌ ده‌که‌وێته‌ ناوه‌ڕاستی عێراقه‌وه‌ به‌ یه‌کێـک له‌ هه‌ره‌ ناوچه‌ مه‌ترسـیداره‌کانی عێراق داده‌نرێت و له‌و هه‌رێمه‌دا تۆڕی ئه‌لقاعیده‌ و چه‌ندین کۆمه‌ڵی چه‌کدار جموجۆڵ ده‌که‌ن.

له‌ لایه‌کی دیکه‌وه‌ ڕۆژی پـێـنجشه‌ممه‌ وه‌زیری به‌رگری ئه‌مریکا ڕۆبه‌رت گه‌یتس ڕایگه‌یاند که‌ واده‌ی 16 مانگ بۆ کشـانه‌وه‌ی هێزه‌کانی ئه‌مریکا له‌ عێراق یه‌کێـکه‌ له‌ چه‌ندین بژاره‌ که‌ له‌ لایه‌ن ڕابه‌رانی ئه‌مریکاوه‌ تاوتوێ‌ده‌کرێن.

به‌ڕێز گه‌یتس ڕایگه‌یاند کۆبوونه‌وه‌ی ڕۆژی چوارشه‌ممه‌ی سه‌رۆک باراک ئۆباما له‌گه‌ڵ فه‌رمانده‌کانی ئه‌مریکا و دیپـلۆماتانی باڵای وڵاتدا ته‌نها ده‌سـپـێـکێکی پـرۆسه‌ی هه‌ڵـسه‌نگاندن بوو بۆ دۆزینه‌وه‌ی ڕێـگه‌چاره‌یه‌ک به‌ره‌و پـێشـه‌وه‌ له‌ عێراقدا.

بابه‌تی په‌یوه‌ندیدار

XS
SM
MD
LG