سه‌رۆك وه‌زیری ئیسرائیل ئێهود ئۆڵمه‌رت ده‌ڵێت له‌شـكری ئیسرائیلی ئامانجه‌كانی له غه‌ززه به ئه‌نجام ده‌گه‌یه‌نێت، به‌ڵام به‌رده‌وام‌ده‌بێت له‌سه‌ر هێرشه‌كانیدا دژ به حه‌ماس تاكو ئه‌و كاته‌ی هێزه‌كان یه‌كجاری موشه‌ك هاویشـتنه‌كانیان بۆ سه‌ر باشوری ئیسرائیل ڕاده‌گرن.
ئۆڵمه‌رت ڕۆژی یه‌كشه‌ممه له كۆبوونه‌وه‌ی كابینه‌دا وتی بۆ ئه‌وه‌ی ئیسرائیل ئێسـتاكه هێرشه‌كانی ڕابگرێت به واتای به فیڕۆدانی هه‌وڵدانه‌كانێتی بۆ له‌به‌رچاوگرتنی به‌ده‌ستهێنانی سه‌ركه‌وتن.
كاربه‌ده‌سـتانی پـزیشـكی غه‌ززه ده‌ڵێن نزیكه‌ی 850 فه‌له‌سـتینی له كه‌رتی غه‌ززه‌دا كوژراون له ماوه‌ی 16 ڕۆژدا له ده‌می ده‌سـتپـێـكردنی هێرشه‌كانی ئیسرائیل. هێشـتا حه‌ماس و ئیسرائیل به داخوازیـیه‌كانی كۆمه‌ڵـگای نێونه‌ته‌وه‌یی ڕێـگه نه‌داون بۆ ئاگربه‌سـتێـكی یه‌كجاری.
