Accessibility links

موشه‌کێـک که‌ گومان ده‌کرێت ئه‌مریکا هه‌‌ڵی‌دابێت 3 میلیتان له‌ پاکستان ده‌کوژێت


کاربه‌ده‌ستانی موخابه‌راتی پاکستانی ده‌ڵێن موشه‌کێکی که‌ گومان هه‌یه‌ هی ئه‌مریکا بووبێت به‌ لایه‌نی که‌مه‌وه‌ 3 میلیتانی له‌ باکوری ڕۆژئاوای پاکستان نزیک سـنووری ئه‌فغانستان کوشتووه‌.

ئه‌و هێرشه‌ی ڕۆژی هه‌ینی دووه‌م هێرشی موشه‌ک بووه‌ بۆ سه‌ر باشوری وه‌زیرسـتان له‌ ماوه‌ی چه‌ند ڕۆژێکدا.

کاربه‌ده‌ستان ده‌ڵێن ئه‌و هێرشه‌ خوێندنگایه‌کی قه‌ده‌غه‌کراوی له‌ گوندی مه‌ردان وێران‌کردووه‌.

بڕوا ده‌کرێت باشوری وه‌زیرسـتان شـوێنی حه‌وانه‌وه‌ی زۆربه‌ی ڕێبه‌رانی ئه‌ڵقاعیده‌ و تاڵێبان‌بێت.

گومان هه‌یه‌ فڕۆکه‌یه‌کی ئه‌مریکی نزیکه‌ی 30 موشه‌کی هاوێشتۆته‌ نێو پاکستان له‌ ناوه‌ڕاستی ساڵی ڕابردووه‌وه‌ تا ئێستا. سه‌ره‌ڕای ناڕه‌زایی حکومه‌تی پاکستانیش.

له‌ ڕۆژی پـێنجشه‌مه‌ کاربه‌ده‌ستانی پاکستان گوتیان هێرشی ئه‌مریکا به‌ لایه‌نی که‌م 3 که‌سی له‌ باشوری وه‌زیرستان کوشتوو‌ه.

بابه‌تی په‌یوه‌ندیدار

XS
SM
MD
LG