Accessibility links

حه‌ماس كۆتایی به‌ ئاگربه‌سـته‌كه‌ی له‌گه‌ڵ ئیسرائیلدا ده‌هێنێت


كۆمه‌ڵی میلیتانی فه‌له‌سـتینی حه‌ماس ده‌ڵێت ئاگربه‌سـتی شه‌ش مانگی له‌گه‌ڵ ئیسرائیلدا كۆتایی‌‌پـێهاتووه‌.

گوته‌بێژی حه‌ماس فه‌وزی به‌رهوم ده‌ڵێت به‌ نیاز نین ئه‌و ئاگربه‌سته‌ نوێ بكه‌نه‌وه‌، ئه‌وه‌ی ڕۆژی هه‌ینی به‌سه‌رده‌چێت.

له‌ مانگی شه‌شی ڕابردوودا ئه‌و ئاگربه‌سـته‌ ده‌سـتیپـێـكرد و له‌م هه‌فتانه‌ی دوایدا به‌ شـێوه‌یه‌كی به‌رچاو پـێـشـێـلكراوه‌.

میلیتانه‌كانی حه‌ماس زۆر جار موشـه‌ك و هاوه‌نیان گرتۆته‌ ئیسرائیل، ئه‌وانیش به‌ توندكردنی ئابڵۆقه‌ی كه‌رتی غه‌ززه‌ی ده‌سه‌ڵاتی حه‌ماس و هێرشـكردنه‌وه‌ سه‌ر شـوێنه‌كانی موشـك هاویشـتنی ئه‌و هه‌رێمه‌ به‌رپه‌رچیان داوه‌ته‌وه‌.

هه‌ردوولایان یه‌كتریـیان به‌ پـێشـێـلكردنی ئه‌و ئاگربه‌سـته‌ تۆمه‌تباركردووه‌، ئه‌وه‌ی وڵاتی میسـر ڕێـكیخسـتبوو.

ڕۆژی پـێـنجشه‌ممه‌ش ده‌سه‌ڵاتدارانی ئیسرائیل ڕایانگه‌یاندبوو ئیسرائیل ده‌یه‌وێت ڕێز له‌ ئاگربه‌ست بگرێت، به‌ڵام ناتوانێت له‌ موشـه‌كبارانی میلیتانه‌ فه‌له‌سـتینیـیه‌كان خۆشبێت.

هاوكات ڕۆژی پـێـنجشه‌ممه‌ میلیتانه‌كانی غه‌ززه‌ سه‌رله‌نوێ باشوری ئیسرائیلیان موشه‌كباران كرد و پاشـان فڕۆكه‌ جه‌نگیـیه‌كانی ئیسرائیل بۆردومانی ئه‌و شـوێنانه‌یان كردبوو كه‌ میلیتانه‌كان موشه‌كیان لێوه‌ ده‌هاویشت.

بابه‌تی په‌یوه‌ندیدار

XS
SM
MD
LG