Accessibility links

له‌ ئاکامی ته‌قینه‌وه‌یه‌کی خۆکوژی له‌ که‌رکوک 55 که‌س ده‌کوژرێن


دوا ئاکامی ژماره‌ی قوربانیـیه‌کانی کرده‌وه‌ خۆکوژیـیه‌که‌ی چـێشـتخانه‌ی عه‌بدوڵڵا له‌ که‌رکوک گه‌یشـته‌ 55 کوژراو و 109 بریندار که‌ له‌ نێو برینداره‌کان به‌رپرسـی کۆمیته‌ی کفری یه‌کێتی نیشـتیمانی تێدابووه‌.

له‌ نێو کوژراو و برینداره‌کانیش ژماره‌یه‌ک ژن و منداڵی تێدابووه‌ که‌ به‌هۆی جه‌ژنه‌وه‌ ویسـتوویانه‌ له‌و چـێشـتخانه‌یه‌ نان بخۆن.

هه‌روه‌ها له‌ دوا زانیاریش که‌ ده‌سـت په‌یامنێری ده‌نگی ئه‌مریکا که‌وتووه‌ که‌ هه‌ندێـک له‌ سه‌رۆک هۆزه‌ عه‌ره‌به‌کان له‌ هۆڵـێـکی جیاتری شـوێنی ته‌قینه‌وه‌که‌ بوون له‌ ڕێسـتورانی عه‌بدوڵڵا که‌ به‌ مه‌به‌سـتی پـێشـوازیـکردن له‌ سه‌رۆک کۆماری عێراق له‌وێ بوون که‌ له‌ ئێواره‌دا له‌ شـوێنی تایبه‌تی خۆی له‌گه‌ڵیاندا کۆده‌بۆوه‌.

له‌ لایه‌کی تریشـه‌وه‌ به‌پێی دوا زانیاری له‌ ئه‌ندامی ئه‌نجومه‌نی که‌رکوکه‌وه‌ ئاماژه‌ی به‌وه‌ کرد که‌ سه‌رۆک کۆماری عێراق جه‌لال تاڵه‌بانی گه‌یشـتۆته‌ که‌رکوک.

له‌و باره‌یه‌وه‌ په‌یامنێری ده‌نگی ئه‌مریکا یه‌حیا به‌رزنجی دوو ڕاپـۆرتی ناردووه‌، ده‌توانن گوێبیسـتیان بن له‌ ڕێی ئه‌و فایله‌ ده‌نگیـیانه‌ی سه‌ره‌وه‌.

XS
SM
MD
LG