Accessibility links

کۆشـکی سـپی و دیموکراته‌کانی کۆنگرس له‌سه‌ر یارمه‌تیدانی کارخانه‌کانی ئۆتۆمبیل به‌ ڕێـکه‌وتنێـک ده‌گه‌ن


به‌ مه‌به‌سـتی دابینکردنی 15 ملیار دۆلار وه‌ک قه‌رزی ته‌نگه‌تاوی بۆ پـیشـه‌سـازی گرفتاوی کارخانه‌ به‌رهه‌مهێنه‌ره‌کانی ئۆتۆمبیل له‌ ئه‌مریکادا، له‌و پـێناوه‌دا به‌ڕێوه‌به‌رایه‌تی سه‌رۆک بوش و یاسـادانه‌رانی حزبی دیموکرات گه‌یشـتوونه‌ته‌ ڕێـکه‌وتنێـکی کاتی.

ڕێـکه‌وتنه‌که‌ له‌ دره‌نگانێـکی ڕۆژی سێشه‌ممه‌ ده‌سـته‌به‌رکرا، ئه‌مه‌ش دوای چه‌ندان ڕۆژ له‌ دانوسـتاندنی چڕوپـڕ له‌و باره‌یه‌وه‌ دێت.

به‌ گوێره‌ی سه‌وداکه‌ و هه‌روه‌ها درێژه‌دان به‌ کارکردنی ئه‌و کارخانانه‌ بۆ چه‌ند مانگی ئاینده‌ هه‌ردوو کۆمپانیای جه‌نه‌ڕاڵ مۆتۆرس و کرایسـله‌ر که‌ دوان له‌ کۆی سێ کارخانه‌ی به‌رهه‌مهێنانی ماشـێنی ئه‌مریکایین پاره‌یان بۆ دابینده‌کرێت.

هه‌روه‌ها کۆمپانیای فۆرد که‌ سـێهه‌مین کۆمپانیایه‌ ده‌ڵێت ئه‌و پـێویسـتی به‌ ده‌سـتبه‌جێ کۆمه‌کی دارایی نیـیه، به‌ڵام کۆمپانیای ناوبراو داوای 9 ملیار دۆلار وه‌ک قه‌رز بۆ ئاماده‌بکه‌ن ده‌کات.

ئه‌وه‌ی شـایانی باسه‌ به‌شـی سه‌ره‌کی ڕێـکه‌وتنه‌که‌ دامه‌زراندنی لێـپـرسـراوێـکی حکومه‌تی له‌خۆده‌گرێت بۆ ئه‌وه‌ی سه‌رپه‌رشـتی پـرۆگرامی قه‌رزه‌که‌ بکات.

بابه‌تی په‌یوه‌ندیدار

XS
SM
MD
LG