نازم دڵبه‌ند ده‌ڵێت هێشـتا پـێشـێـلکاری له‌ مافه‌کانی مرۆڤ له‌ هه‌رێمی کوردستاندا ده‌کرێت

نازم دڵبه‌ند وته‌بێژی وه‌زاره‌تی مافه‌کانی مرۆڤ له‌ هه‌رێمی کوردسـتان له‌ گفتوگۆیه‌کدا له‌گه‌ڵ هاوکارمان ده‌خیلی شه‌ممۆ ده‌ڵێت پـێشـێـلکاری له‌ مافه‌کانی مرۆڤ له‌ هه‌رێمی کوردستاندا ده‌کرێت و ئێمه‌ ئاگادارین و به‌یانـنامه‌مان له‌سه‌ر ده‌رکردووه‌ و توانیومانه‌ به‌دواداچوونیان له‌سه‌ر بکه‌ین و سه‌رووی ئه‌و که‌سـانه‌ی پـێشـێـلکاریـیه‌کان ده‌که‌ن ئاگاداربکه‌ینه‌وه‌. ده‌شڵێت ئه‌گه‌ر به‌راوردێـک له‌ نێوان ڕه‌وشی مافه‌کانی مرۆڤ له‌ هه‌رێمی کوردسـتانی ئێسـتا له‌گه‌ڵ هی پـێش دوو سـاڵدا بکرێت ده‌رده‌که‌وێت پـێشـێلکاریـیه‌کان زۆر که‌مبوونه‌ته‌وه‌.

ده‌توانن گوێبیسـتی ده‌قی گفتوگۆكه‌ بن له‌ ڕێـگه‌ی كلیـكـكردنی ئه‌و فایله‌ ده‌نـگیـیه‌ی سه‌ره‌وه‌، ماوه‌كه‌ی 7 خوله‌كه‌.