Accessibility links

میلیشـیاكانی پاكسـتان ئاگر له‌ ئۆتۆمبیله‌ بارهه‌ڵـگره‌كانی هێزه‌كانی ڕۆژئاوا ده‌ده‌ن


پـۆلیسی پاكسـتان ڕایگه‌یاند كه‌وا ژماره‌یه‌ك چه‌كداری گومانبار ئاگریان به‌رداوه‌ته‌ به‌ لانی كه‌م 96 ئۆتۆمبیلی بارهه‌ڵـگر له‌ ویزگه‌یه‌كی باركردندا كه‌ بۆ ڕه‌وانه‌كردنی پـێداویسـتی و كلوپه‌ل بۆ هێزه‌كانی ناتۆ و ئه‌مریكا له‌ ئه‌فغانسـتانی دراوسێ به‌كاردێت.

كاربه‌ده‌سـتانی پـۆلیس ده‌ڵێن به‌ره‌به‌یانی ڕۆژی یه‌كشه‌ممه‌ چه‌كداره‌كان به‌ ڕۆكێت و كڵاشینكۆف و نارنجۆك هێرشـیان كردۆته‌ سه‌ر ئه‌و ویزگه‌یه‌ له‌ شـاری پـیشـاوه‌ری باكوری ڕۆژئاوای وڵاته‌كه‌. كاربه‌ده‌سـتان ده‌ڵێن ئاگر به‌ربۆته‌ ئه‌و ئۆتۆمبیلی بار و تانكه‌ری سـووته‌مه‌نیـیانه‌ی كه‌ بۆ هێزه‌كانی بیانی له‌ ئه‌فغانسـتان به‌ڕێـكه‌وتبوون.

شـایانی باسه‌ هێرشی له‌و جۆره‌ ئه‌وه‌ی له‌ ماوه‌ی چه‌ند هه‌فته‌ی ڕابردوودا كراوه‌ ئه‌و مه‌ترسـیـیانه‌ی زیادكردووه‌ كه‌وا چه‌كدارانی تاڵیبان هه‌وڵی ڕاگرتنی ڕه‌وانه‌كردنی پـێداویسـتیـیه‌كان بۆ هێزه‌كانی ڕۆژئاوا ده‌ده‌ن، ئه‌وه‌ی له‌ ڕێـگای خه‌یبه‌ره‌وه‌ ده‌ڕوات.

زۆربه‌ی خۆراك و سـووته‌مه‌نی و پـێداویسـتیـیه‌كانی دیكه‌ كه‌ له‌ پاكسـتانه‌وه‌ بۆ هێزه‌كانی بیانی له‌ ئه‌فغانسـتان ده‌ڕوات له‌و ڕێـگا به‌ناوبانگ و پـڕ مه‌ترسـیـیه‌وه‌یه‌.

مانگی ڕابردوو پاكسـتان به‌ شـێوه‌یه‌كی كاتی ڕێـگای خه‌یبه‌ری داخست پاش ئه‌وه‌ی ژماره‌یه‌ك چه‌كدار 13 ئۆتۆمبیلی بارهه‌ڵـگریان ڕفاند.

پاكسـتان بۆ ڕۆژی دوایی ڕێـگاكه‌ی كرده‌وه‌ و هێزه‌كانی ئاسایشی له‌و ناوچه‌یه‌دا بڵاو كرده‌وه‌ بۆ پاسه‌وانیـكردنی ئه‌و كاروانی بارهه‌ڵـگرانه‌ی به‌ره‌و ئه‌فغانسـتان ده‌ڕۆن.

بابه‌تی په‌یوه‌ندیدار

XS
SM
MD
LG