Accessibility links

که‌شـتیـیه‌کی ڕفێندراوی سـعودیـیه‌ له‌ سـۆماڵ له‌نگه‌ر ده‌گرێت


بڕوا ده‌کرێت که‌شـتیـیه‌کی گه‌وره‌ی ڕفێندراوی شـانشـینی عه‌ره‌بسـتانی سـعودی که‌ 2 ملیۆن بۆشـکه‌ نه‌وتی هه‌ڵـگرتووه‌ له‌ که‌نارێـکی ژێر ده‌سـه‌ڵاتی چه‌ته‌کانی سـۆماڵ له‌نگری گرتبێت.

سه‌رچاوه‌کان له‌ سـۆماڵه‌وه‌ به‌ ده‌نگی ئه‌مریکایان گوتووه‌ چه‌ته‌کان که‌شـتیـیه‌که‌یان بۆ مۆڵـگاکه‌ی خۆیان له‌ Eylده‌به‌ن که‌ ده‌که‌وێته‌ باکوری هه‌رێمی پـونتلانده‌وه‌. به‌ڵام کاربه‌ده‌سـتان و گه‌واهیده‌ران ده‌ڵێن که‌شـتیـیه‌که‌ له‌ ناوچه‌یه‌کی دورتر له‌ باشوری Harardhere له‌نگری گرتووه‌، وه‌ ئه‌وێش مۆڵـگایه‌کی تری چه‌ته‌کانه‌ نزیکه‌ی 300 کیلۆمه‌تر له‌ مه‌قادیشـۆی پایته‌خته‌وه‌ دوره‌.

که‌شـتیـیه‌که‌ ناوی Sirius Star و خاوه‌نه‌که‌ی کۆمپانیای گه‌وره‌ی سـعودی ئارامکۆیه‌. به‌شی بار و گواسـتنه‌وه‌ی کۆمپانیاکه‌ (Vela International) ڕۆژی سێشه‌ممه‌ ڕایگه‌یاند که‌وا هه‌ر 25 که‌سی تاقمی که‌شـتیـیه‌که‌ بڕوا ده‌کرێت سه‌لامه‌ت بن. کۆمپانیاکه‌ ده‌ڵێت چاوه‌ڕێی په‌یوه‌ندیـیه‌کی تر ده‌کات له‌ چه‌ته‌کانه‌وه‌.

هاوکات کۆمه‌ڵـێـکی تری چه‌ته‌کانی سـۆماڵ که‌شـتیـیه‌کی تریان به‌ 25 که‌سی تاقمه‌که‌یه‌وه‌ له‌ به‌نده‌ری عه‌ده‌ن له‌ باکوری سـۆماڵ ڕفاندووه‌. که‌شـتیـیه‌که‌ ئاڵای هۆنگ کۆنگی له‌سه‌ره‌.

بابه‌تی په‌یوه‌ندیدار

XS
SM
MD
LG