Accessibility links

ئابووری ئه‌مریکا له‌ به‌شی سێهه‌می ئه‌مسـاڵیدا ئاماژه‌ به‌ داکه‌وتنی ده‌کات


ڕاپـۆرتێـکی نوێ ده‌ڵێت ئابووری ئه‌مریکا له‌ نێوان مانگی حه‌وت تا مانگی نۆ هاتۆته‌ خوارێ، ئه‌مه‌ش تاکو ئێسـتا به‌هێزترین ئاماژه‌یه‌ به‌وه‌ی ڕه‌نگه‌ وڵاته‌که‌ به‌ره‌و داکه‌وتنی ئابووری بچێت.

وه‌زاره‌تی بازرگانی ئه‌مریکا ڕۆژی پـێـنجشه‌ممه‌ ڕایگه‌یاند که‌وا به‌رهه‌می گشـتی ناوخۆی وڵاته‌که‌ (GDP)، واته‌ به‌های هه‌موو کاڵا و خزمه‌تگوزاریـیه‌کانی له‌ وڵاته‌ یه‌کگرتووه‌کانی ئه‌مریکا کراون، بۆ 0.3% هاتۆته‌ خوارێ.

ئه‌وه‌ زۆرترین دابه‌زینه‌ له‌ ماوه‌ی حه‌وت سـاڵی ڕابردوودا و هه‌روه‌ها گۆڕانێـکی گه‌ره‌یه‌ به‌ به‌راورد له‌گه‌ڵ به‌رهه‌می گشـتی ناوخۆی سێ مانگی پـێشـتردا که‌ 2.8% بووه‌. ئه‌مه‌ش هاوکاته‌ له‌گه‌ڵ که‌مبوونی دابه‌زینی ڕێژه‌ی شـت کڕین که‌ به‌ بزوێنه‌ری سه‌ره‌کی ئابووری ئه‌مریکا داده‌نرێت بۆ نزیمترین ئاسـتی له‌ ماوه‌ی 20 سـاڵدا. هه‌روه‌ها سه‌رمایه‌گوزاریش له‌ بواری کارداری دابه‌زیوه‌.

شـایانی باسه‌ داکه‌وتنی ئابووری به‌وه‌ ده‌گوترێت که‌ ئابووری له‌ نێوان دوو ماوه‌ی به‌ دوای یه‌کتردا بێته‌ خوارێ که‌ هه‌ریه‌که‌یان سـێ مانگه‌. وه‌لێ ژماره‌یه‌کی زۆری شـاره‌زایان ده‌ڵێن ئاماری تر نیشـانی ده‌ده‌ن ئابووری ئه‌مریکا داکه‌وتووه‌ وه‌کو ژماره‌ی بێـکاران.

بابه‌تی په‌یوه‌ندیدار

XS
SM
MD
LG