Accessibility links

ڕوسیا ده‌سـتیکردووه‌ به‌ کشـانه‌وه‌ی هێزه‌کانی له‌ ئۆسیتیای باشور


به‌ یه‌ک‌لایه‌نی هێزه‌کانی ڕوسـیا ناوچه‌یه‌کی له‌ چه‌کداماڵراویان له‌ ده‌ره‌وه‌ی هه‌رێمه‌ دابڕاوه‌کانی ئه‌پـخازیا و ئۆسـیتیای باشوری گورجسـتان دامه‌زراند.

ڕۆژی چوارشه‌ممه‌ وزاره‌تی ده‌ره‌وه‌ی گۆرجی هه‌واڵی کشـانه‌وه‌ی هێزه‌کانی ڕوسـیایان له‌ شه‌ش بازنه‌ی ده‌وران ده‌وری ئه‌و هه‌رێمانه‌ پـشـتڕاستکرده‌وه‌.

ئه‌م کشـانه‌وه‌یه‌ بابه‌تی سه‌ره‌کی ڕێـکه‌وتنی ئاشـتیـیه‌ ئه‌وه‌ی له‌ لایه‌ن سه‌رۆکی فه‌ره‌نسـا نیکۆلای سارکۆزی ڕێـکخرابوو.

هه‌ر به‌ گوێره‌ی ئه‌و ڕێـکه‌وتنه‌ش ده‌بوایه‌ هێزه‌کانی ڕوسـیا له‌ ڕۆژی هه‌ینیدا ئه‌و کشـانه‌وه‌یان ئه‌نجام‌بدایه‌.

سه‌رله‌به‌یانی ڕۆژی چوارشه‌ممه‌ش چاودێرانی ئاشـتی یه‌کێتی ئه‌وروپا ڕایانگه‌یاندبوو که‌ لۆری و زرێـپـۆۆشـه‌کانی سـوپای ڕوسـیا ده‌سـتیان کردبوو به‌ جموجۆڵ بۆ بنکه‌کانیان له‌ ناو ئۆسـیتیای باشوردا.

شـایانی باسه‌ له‌ ڕابردوودا مۆسـکۆ دانی به‌ سه‌ربه‌خۆیی ئه‌و هه‌رێمانه‌دا نابوو و پـلانی خۆشی ڕاگه‌یاندبوو سه‌باره‌ت به‌ هێشـتنه‌وه‌ی زیاتر له‌ 7 هه‌زار سه‌رباز له‌ ناو ئه‌و هه‌رێمانه‌دا سه‌رباری ناڕه‌زایی وڵاتانی ڕۆژئاوا.

له‌ لای خۆیه‌وه‌ سه‌رۆکی ڕوسی دمیتری مێدڤێدێڤ جموجۆڵی هێزه‌کانی ڕوسـیای له‌ وتارێـکدا بۆ کۆنفرانسی ئاسایشی له‌ فه‌ره‌نسـا پـشـتڕاست کردبۆوه‌.

بابه‌تی په‌یوه‌ندیدار

XS
SM
MD
LG