Accessibility links

ده‌نگدانه‌که‌ی ئه‌نجومه‌نی سـینات کاریگه‌ری بۆ سه‌ر بازاڕه‌کانی دراو ده‌بێت


سه‌رله‌به‌یانی ڕۆژی پـێـنجشه‌ممه‌ بازاڕه‌کانی ئه‌وروپا له‌ ئاسـتێـکی به‌رزی بازرگانیدا کراونه‌ته‌وه‌ له‌ کاتێـکدا سه‌رمایه‌داران هه‌ڵسـوکه‌وت ده‌که‌ن له‌مه‌ڕ په‌یامی ئه‌نجومه‌نی سـیناتی ئه‌مه‌ریکایی سـه‌باره‌ت به‌ پـلانی کۆمه‌کی دراوی 700 ملیار دۆلار بۆ بوژاندنه‌وه‌ی سـیسـتمی دارایی ئه‌مه‌ریکادا.

بازاڕه‌کانی له‌نده‌ن، پاریس، فرانکفۆرد نزیکه‌ی له‌ سه‌دا یه‌ک قازانجیان کرد. له‌ کاتێـکدا به‌های یۆرۆ به‌ره‌و دۆلارێـک و 40 سه‌نت نزم بۆوه‌.

بڕیاره‌ بانکی ناوه‌ندی ئه‌وروپاش له‌ ده‌رنگانێـکی ڕۆژی پـێـنجشه‌ممه‌دا کۆبـبنه‌وه‌ بۆ وتووێـژ سه‌باره‌ت به‌ به‌رزکردنه‌وه‌ی ڕێژه‌ی قازانجی یۆرۆ له‌ بازاڕه‌کاندا. چاودێران له‌و باوه‌ڕه‌دان بانکه‌که‌ ڕێژه‌ی قازانج به‌ سه‌قامگیری بهێڵێته‌وه‌ له‌ کاتێـکدا ڕێژه‌ی ئێسـتاکه‌ی به‌ 4.25 مه‌زه‌نده‌ ده‌کرێت.

هه‌رچه‌ندێـکه‌ به‌های زۆربه‌ی بازاڕه‌کانی ئاسـیا نزم بۆوه‌ سه‌ره‌ڕای ده‌نگدانه‌که‌ی سـینات له‌ ڕۆژی چوارشه‌ممه‌دا. به‌های Nikkeiتۆکیۆ نزیکه‌ی له‌ سه‌دا 2 له‌ به‌ره‌به‌یانی ڕۆژی چوارشه‌ممه‌دا له‌ ده‌سـت دا، له‌ کاتێـکدا سه‌هم بۆرسه‌کانی کۆریای باشور و هه‌روه‌ها تایوان نزم بۆوه‌. ئه‌و نزم‌بوونه‌وه‌یه‌ ده‌گه‌ڕێته‌وه‌ بۆ نزم‌بوونی سه‌هه‌م و بازاڕه‌کانی ئۆتۆمبیلی ژاپـۆنی تۆیۆتا و نیسـان و هۆندا، که‌ هه‌ر هه‌موویان نرخه‌کانیان له‌ بازاڕه‌کانی فرۆشـتنیان له‌ ئه‌مه‌ریکا نزم بۆته‌وه‌.

ئه‌مه‌ له‌ کاتێـکدا سه‌هم و بۆرسه‌ی Hang Sengی هۆنگ کۆنگ به‌ له‌ سه‌دا یه‌ک به‌رزبۆوه‌.

جێی وتنه‌ به‌رنامه‌ی کۆمه‌کی دراوی ئه‌مه‌ریکا دره‌نگانێـکی ڕۆژی چوارشه‌ممه‌ له‌ لایه‌ن ئه‌نجومه‌نی سـیناته‌وه‌ په‌سه‌ندکرا و له‌ ئێسـتاکه‌دا خراوه‌ته‌ به‌رده‌م ئه‌نجومه‌نی نوێنه‌ران که‌ له‌ ڕۆژی دووشه‌ممه‌دا ده‌قێـکی پـێشـووی پـلانه‌که‌یان ڕه‌تکردبۆوه‌.

بابه‌تی په‌یوه‌ندیدار

XS
SM
MD
LG