Accessibility links

زنجیـره‌یه‌ك ته‌قینه‌وه‌ی به‌هێز شـاری گۆری له‌ گورجسـتان ده‌هه‌ژێنێت


ژماره‌یه‌ك ته‌قینه‌وه‌ی به‌هێز شـاری گۆری له‌ گورجسـتان هه‌ژاند، وه‌ ڕاپـۆرته‌كانیش ده‌ڵێن هێزی زیاتری ڕوسـیا چوونه‌ته‌ ئه‌و ناوچه‌یه‌.

كاربه‌ده‌سـتانی گـورجسـتان ده‌ڵـێن هێزی زیاتری ڕوسـیا هاتوونه‌ته‌ شـاره‌كه‌ كه‌ پـێشـتر وا ڕاگه‌یه‌ندرابوو كه‌وا به‌پـێی ڕێـكه‌وتنێـكی به‌ ناوبژیوانی فه‌ره‌نسـا بۆ ڕاگرتنی شـه‌ڕه‌كه‌ ده‌كه‌شـێنه‌وه‌.

شـایه‌تحاڵه‌كان ده‌ڵێن هه‌ریه‌ك له‌ هێزه‌كانی ڕوسـیا و گورجسـتان له‌ هه‌ندێ شـه‌قامی شـاره‌كه‌دا به‌ره‌و ڕووی یه‌كتر بوونه‌ته‌وه‌.

كاربه‌ده‌سـتانی گورجسـتان گوتیشـیان هێزه‌كانی ڕوسـیا جارێـكی دیكه‌ به‌ره‌و به‌نده‌ری پـۆتی له‌سه‌ر ده‌ریای ڕه‌ش چوونه‌ته‌وه‌.

له‌ مۆسـكۆش وه‌زیری ده‌ره‌وه‌ی ڕوسـیا سـێرگی لاڤرۆڤ گوتی مۆسـكۆ به‌رده‌وام‌ده‌بێت له‌سه‌ر پـشـتیوانیـكردنی جوداخوازان له‌ ئۆسـیتیای باشور و ئه‌بخازیا، وه‌ مه‌سه‌له‌ی سه‌رداری گورجسـتان به‌سه‌ر ئه‌و دوو هه‌رێمه‌دا به‌ كۆتایی هاتووه‌.

بابه‌تی په‌یوه‌ندیدار

XS
SM
MD
LG