Accessibility links

سه‌رۆكی فه‌ره‌نسـا له‌گه‌ڵ باراك ئۆباما كۆده‌بێته‌وه‌


به‌ربژاری دیموكراته‌كان بۆ سه‌رۆكایه‌تی ئه‌مریكا باراك ئۆباما و سه‌رۆكی فه‌ره‌نسـا نیكۆلاس سـاركۆزی له‌ پاریس كۆده‌بنه‌وه‌. چاوه‌ڕوان ده‌كرا له‌ وتووێـژه‌كانیاندا باس له‌ په‌یوه‌ندی نێوان ئه‌مریكا و فه‌ره‌نسـا بكرێت.

پاش سه‌ردانه‌ كورته‌كه‌ی له‌ فه‌ره‌نسـا ئۆباما سه‌ردانی به‌ریتانیا ده‌كات كه‌ له‌وێ له‌گه‌ڵ سه‌رۆك وه‌زیری به‌ریتانیا گۆردن بڕاوندا كۆده‌بێته‌وه‌.

سه‌ردانه‌كه‌ی ئۆباما بۆ فه‌ره‌نسـا دوابه‌دوای سه‌ردانه‌كه‌ی بۆ ئه‌ڵمانیا كه‌ له‌وێ 2 هه‌زار كه‌س له‌ پـێشـكه‌شـكردنی وتاره‌كه‌ی ئۆباما له‌ به‌رده‌م پایه‌ی سـتوونی سه‌ركه‌وتندا له‌ به‌رلین ئاماده‌بوون.

شـایانی باسه‌ له‌ میانه‌ی ئه‌م گه‌شـته‌یدا بۆ ڕۆژهه‌ڵاتی ناوه‌ڕاست و ئه‌فغانسـتان و ئه‌وروپا به‌ڕێز ئۆباما له‌ ئه‌ڵمانیا یه‌كه‌م وتاری ڕه‌سمی خۆی پـێشـكه‌شـكردبوو.

بابه‌تی په‌یوه‌ندیدار

XS
SM
MD
LG